Teknoloġija
DIRETT: Illum il-World Wide Web jagħlaq 30 sena

Il-World Wide Web illum jagħlaq 30 sena.  F’din l-okkażjoni, is-CERN se jikkommemora dan l-anniversarju b’sensiela ta’ ċelebrazzjonijiet madwar id-dinja, fosthom b’avveniment li qed jixxandar f’dawn il-ħinijiet mal-protagonisti ta’ din l-invenzjoni.

Il-moħħ wara l-WWW Tim Berners-Lee se jkun qed janalizza l-oriġini ta’ din l-invenzjoni, is-sitwazzjoni preżenti u l-evoluzzjoni futura tal-Web.  Dan se jsir f’taħdita li Berners-Lee se jkollu ma’ numru ta’ pijunieri oħra tal-Web, esperti fit-teknoloġija u ħassieba.

Kien fl-1989 meta mil-ikbar laboratorju tal-fiżika fid-dinja, is-CERN, xpruna diversi ideat u żamm minjiera ta’ informazzjoni maħżuna fuq diversi kompjuters.  Tim Berners-Lee kellu viżjoni li jgħaqqad dawn il-kompjuters biex kollha jkollhom aċċess għal din l-informazzjoni.

F’Marzu tal-1989, huwa kien ippropona dak li sejjaħ ‘Information Management: A Proposal’ li permezz tagħha sal-1991 il-viżjoni tiegħu li jgħaqqad lid-dinja bil-World Wide Web saret realtà.

Segwi x-xandira diretta fuq TVM2 se jitrażmetti mis-CERN dalgħodu mit-8am sal-10.30pm.  Ix-xandira se tkun imtennija għada fl-10pm fuq TVM2 ukoll.

Iktar tagħrif dwar iċ-ċelebrazzjonijiet tat-30 sena mill-World Wide Web tistgħu tiksbuh mis-sit elettroniku tas-CERN li huwa https://web30.web.cern.ch/.

Aħbarijiet Oħra
Qorti

Steven Jones ta’ 50 sena mir-Renju Unit tressaq il-Qorti akkużat li fit-23 ta’ Mejju għamel danni fuq il-proprjetà privata f’San Ġiljan waqt li kien fis-sakra. Huwa ammetta l-akkużi u ngħata…

Lokali

7 sigaħt ilu fetħu l-postijiet tal-votazzjoni tal-Parlament Ewropew u tal-Kunsilli Lokali. Matul dan il-ħin kienu diversi li marru jivvutaw fosthom il-President George Vella, il-Prim Ministru Joseph Muscat u l-Kap tal-Oppożizzjoni…

Aktar