Is-Summit Dinji dwar l-Arti u l-Kultura f’Malta

Mal-400 delegat minn tmenin pajjiż jinsabu f’Malta għal Summit Dinji għall-Arti u l-Kultura bit-tema tkun: F’Salib it-Toroq? It-Tmexxija Kulturali fis-Seklu 21.

L-artisti, riċerkaturi u dawk li jfasslu l-politika tal-arti u l-kultura madwar id-dinja jinsabu f’pajjiżna biex jipparteċipaw fis-Summit Dinji għall-Arti u l-Kultura – bil-għan li jippromwovu koperezzjoni internazzjonali u soluzzjonijiet għall-problemi kurrenti.

Iċ-Ċermen tal-Federazzjoni Internazzjonali tal-Kunsilli tal-Arti u Aġenziji tal-Kultura, Stephen Wainwright, qal li das-Summit jipprovdi spazju uniku għall-aġenziji li jappoġġjaw lill-arti u l-kultura biex jidentifikaw strateġiji li jsaħħu dan il-qasam. Wainwright spjega li n-nies jinsabu mħassba b’dak li qed jiġri madwar id-dinja u huma interessati kif l-arti u l-kultura jistgħu jipprovdu soluzzjonijiet għal problemi kumplessi u soċjali.

L-eks Ċerpersin tal-Kumitat Parlamentari Ewropew għall-Kultura u l-Edukazzjoni, Doris Pack enfasizzat il-ħtieġa li nies minn kontinenti differenti jiltaqgħu biex jisimgħu prattiċi pożittivi, inkluż il-ħidma mwettqa mill-Unjoni Ewropea dwar l-industrija tal-films u l-importanza tas-sottotili. “Qed nagħmlu sottotitoli għar-rebbieħa ta’ dan il-premju f’24 lingwa ħalli l-films Ewropej jintlaħqu minn madwar id-dinja.”

Annabelle Stivala, id-Direttur tal-festivals tal-Kunsill Malti għall-Arti spjegat l-importanza ta’ dan is-summit għal Malta. “Ilu ma jsir Summit fl-Ewropa għal seba’ snin u kienet opportunità tajba għall-Ewropej u qed naraw ħafna delegati li attendew għas-summit għall-ewwel darba. Is-sentiment huwa tajjeb ħafna; hawn vibe sabiħa u għandna cultural practioners li qegħdin f’networking il-ħin kollu.”

Is-Summit ta’ tliet ijiem qed jitratta fost oħrajn l-impatt ta’ teknoloġiji ġodda fuq il-produzzjonijiet kulturali, l-isfidi u opportunitajiet f’livell globali, nazzjonali u lokali u l-istennija tal-pubbliku u l-produtturi fl-oqsma tal-arti u l-kultura.

Aħbarijiet Oħra

Il-Ministeru għas-Saħħa għadu kemm ġie infurmat li anzjana ta’ 94 sena mietet waqt li kienet pożittiva bil-Covid-19. L-anzjana kienet ikkonfermata pożittiva għall-Covid-19 illum stess, 25 ta’ Settembru, bħala parti minn…

B’referenza għal diversi stqarrijiet maħruġa llum b’rabta ma’ dibattitu organiżżat mill-Kummissjoni Elettorali tal-Partit Nazzjonalista bejn il-kontendenti għat-tmexxija tal-istess partit, il-PBS ma jirriżultalux li l-ġurnalista veterana Ruth Amaira kienet ser tmexxi…

Fetħet illum il-votazzjoni fl-elezzjoni għall-ħatra ta’ kap tal-Partit Nazzjonalista. 21,499 tesserat huma eliġibbli jivvutaw u jagħżlu bejn Adrian Delia u Bernard Grech. Il-votazzjoni qiegħda ssir f’19-il post tal-votazzjoni. Il-votazzjoni tagħlaq…

Żewġ ġuvintur jidhru li qed jippruvaw jiksbu popolarità billi jixxabtu b’mod perikoluż u ħafna drabi illegali, imbagħad itellgħu l-filmati fuq il-midja soċjali. Jidher li dawn iż-żgħażagħ għażlu lil Malta għall-aħħar…

Aktar