Lokali
Dis-sena 565 persuna kienu rrapportati nieqsa

565 persuna kienu rrapportati lill-Pulizija bħala nieqsa mill-bidu tas-sena sa tmiem Settembru. Minn dawn il-persuni 514 instabu waqt li 51 oħra għadhom irrapurtati nieqsa.

Dan it-tagħrif ingħata fil-Parlament mill-Ministru għall-Affarijiet Interni u s-Sigurtà Nazzjonali Michael Farrugia fi tweġiba parlamentari lid-Deputat Laburista Byron Camilleri.

Il-Ministru Farrugia qal li mill-2013 ‘l hawn kienu rrapurati 4784 persuna nieqsa lill-Puliizja li minnhom 3854 instabu.  Mill-persuni rrapurtati nieqsa f’dawn l-aħħar seba’ snin kien hemm 2671 li kienu taħt l-età ta’ 18-il sena.

Fi tweġiba parlamentari oħra lill-istess deputat Camilleri, il-Ministru Farrugia qal li din is-sena kien hemm 26 persuna li tressqu l-qorti akkużati b’reati ta’ abbużi sesswali fuq minorenni.  24 minn dawn il-persuni kienu rġiel.

Aħbarijiet Oħra

Id-Dipartiment tal-Protezzjoni Ċivili għandu vettura ġdida biex tagħmilha iktar possibbli biex jiġu salvati nies jekk jinqala’ xi inċident f’bini għoli. Il-vettura nxtrat mill-Awtorità tal-Ippjanar hekk kif fl-aħħar snin żdiedu l-binjiet…

Mart il-President ta’ Malta, is-sinjura Miriam Vella qalet li tifhem eżatt il-bżonn ta’ iktar għarfien fuq il-kanċer tas-sider għax tilfet lill-ommha b’dan il-kanċer. Is-sinjura Vella din is-sena hija l-Patruna tal-kampanja…

Il-Kummissjoni Elettorali tal-Partit Nazzjonalista fi stqarrija qalet li llum għamlet il-verifiki kollha u ġie konkluż li n-numru ta’ tesserati eleġibbli biex jivvutaw fl-elezzjoni għall-ħatra ta’ Kap tal-Partit Nazzjonalista huwa 21,499….

Uffiċjali mill-Awtorità tas-Saħħa u s-Sigurtà fuq il-post tax-xogħol, l-OHSA qegħdin jiċċertifikaw li kull skola f’Malta u Għawdex hija konformi mar-regolamenti li tfasslu mill-awtoritajiet tas-saħħa. F’kummenti ma’ Television Malta, is-Segretarju Permanenti…

Aktar