Disa’ mejta f’attakk fuq tliet knejjes fl-Indoneżja

Attakki suwiċida fuq tliet knejjes fil-belt Surabaya, fl-Indoneżja, ħalla minn tal-inqas 9 persuni mejta u madwar 40 oħra feruti. L-attakki saru ftit minuti bogħod minn xulxin.

Għalkemm l-ebda grupp ma ħa responsabbiltà immedjatament wara l-attakk, is-servizzi tas-sigurtà tal-pajjiż jemmnu li twettaq minn grupp ispirat mill-Istat Iżlamiku, li jsejjaħ lilu nnifsu  Jemaah Ansharut Daulah.

L-Indoneżja, li huwa l-iktar pajjiż popolat b’maġġoranza Musulmana, fl-aħħar xhur reġa’ ra żieda fil-militanza Iżlamika.