Brexit
Disfatta kbira għal Theresa May, ma jgħaddix il-vot dwar Brexit u se tiffaċċja vot ta’ sfiduċja

Il-maġġoranza tal-membri fil-House of Commons ivvutaw kontra l-ftehim li l-Prim Ministru Theresa May innegozjat mal-Unjoni Ewropea dwar Brexit.

Theresa May tilfet il-vot b’distakk kbir ta’ 230 vot. ll-votazżjoni kienet ta’ 202 vot favur u 432 vot kontra.  Din hi disfatta kbira għall-Prim Ministru Ingliż Theresa May, li issa mistennija tippreżenta pjan ġdid dwar Brexit.

Immedjatament wara l-vot, Theresa May qalet li jiġi ppreżentat vot ta’ sfiduċja, id-dibattitu u d-diskussjoni ssir għada. Iżda jekk jintrebaħ vot ta’ fiduċja mill-Gvern, May qalet li se jkollha diskussjonijiet mal-membri kollha tal-Kamra biex jintlaħaq kunsens.

Il-mexxej tal-Partit Laburista Ingliż Jeremy Corbyn saħaq li dan kien vot qawwi kontra l-Gvern ta’ May, l-akbar wiehed fl-istorja politika ricenti tar-Renju Unit. Ħabbar li ressaq mozzjoni ta’ vot ta’ sfiduċja fil-Gvern Ingliż.

Il-President tal-Kummissjoni Ewropea, Jean Claude Juncker fi tweet appella lir-Renju Unit biex jiċċara l-intenzjonijiet tiegħu malajr kemm jista jkun għax iż-żmien għal Brexit daqt jiskadi.

Il-President tal-Kunsill Ewropew Donald Tusk kiteb li jekk huwa impossibli li jkun hemm ftehim u ħadd ma jrid ftehim, staqsa min se jkollu l-kuraġġ jgħid x’inhi l-unika soluzzjoni.

Aħbarijiet Oħra
Barranin

Sarah Thomas hija l-ewwel għawwiema li rnexxielha tgħum il-Kanal Ingliż, mill-Ingilterra għal Franza, erba’ darbiet mingħajr waqfien f’maratona ta’ 54 siegħa. L-Amerikana ta’ 37 sena minn Colorado kisret kwalunkwe rekord….

Barranin

Meta Emma Smith ħadet lil uliedha biex jagħżlu kelb ma kinitx taf li l-kelba li se jagħżlu kienet se tibdlilha ħajjitha. Kemm hi u anke wliedha mill-ewwel inġibdu lejn din…

Teknoloġija

Facebook żvela l-pjan tiegħu sabiex iwaqqaf bord ta’ sorveljanza li l-għan tiegħu hu li jieħu deċiżjonijiet dwar ir-regolamentazzjoni tas-sit. Skont il-Fundatur u l-Kap Eżekuttiv tal-kumpanija, il-bord, li se jkun qed…

Aktar