Kultura
Disinjaturi kbar tal-moda mħajra jiftħu negozju f’Malta

Tmien disinjaturi tal-moda, seba’ barranin u Malti, se juru l-kollezzjonijiet il-ġodda tal-ħwejjeġ u l-aċċessorji fil-Palazz tal-Verdala bħala parti minn serata b’tiżwiqa ta’ kultura u moda.

TVM tkellem ma’ disinjatriċi Taljana, Giada Curti, u d-disinjatriċi Kroata, Sladana Krstic, li se jniedu l-kollezzjonijiet tagħhom. Huma qalu li jixtiequ jesploraw il-possibilità li jiftħu negozju tal-moda fil-gżejjer Maltin.

Sladana Krstic ilha 25 sena tgħix l-Italja. Il-kollezzjoni ġdida tagħha hija ispirata mill-arti tal-Palazz Farnese, bi prints fuq il-ħwejjeġ li tiddisinja tal-opri artistiċi, mimlija kuluri u minn materjali li tiġbor minn madwar id-dinja.

“I use the colour a lot. I do not have a black dress. I like to make all my accessories from the bags to the hats. You see the print from my first collection in the second collection. I like my collections a lot because my collections speak about me. I do not like that my collection dies when the new collection arrives. So I make the print of the last collection on the new collection so that my collections are always live,” qalet Krstic.

Giada Curti hija disinjatriċi Taljana, popolari ħafna għax tlibbes ħafna personalitajiet, u anke toħloq ħwejjeġ għal sensiliet televiżivi bħal Le Tre Rose di Eva u Domenica Live fuq Canale 5 kif ukoll I Migliori Anni u Miss Italia tal-2015 fuq Rai Uno. Tispira ruħha minn nisa straordinarji, bil-kollezzjoni l-ġdida tagħha ġġib l-isem ta’ Jackie.

“Hija kollezzjoni ispirata minn Jackie Kennedy, mhux Jackie l-first lady, imma Jackie li tħobb il-Mediterran, li vjaġġat f’dan il-baħar mill-isbaħ, u allura Jackie li tħobb dawn il-kuluri, id-dawl, l-art mill-isbaħ, u għalhekk se taraw ħafna fjuri u kuluri, u ħafna materjali u drappijiet sbieħ, fantasiji partikolari ħafna, imbagħad d-dbielet tiegħi li huma speċi ta’ emblema tal-kollezzjoni tiegħi, dik li tagħmilni magħrufa mad-dinja kollha,” fissret Curti bit-Taljan.

Minkejja li ġew Malta għall-ewwel darba, tant laqtithom Malta li ż-żewġ disinjaturi esprimew ix-xewqa li jiftħu negozju f’Malta għax iħossu li f’Malta hawn aptit qawwi għall-moda min-nisa Maltin.

Il-kollezzjonijiet ta’ Sladana u Giada se jkunu varati f’serata ta’ moda u kultura li se ssir il-Ħamis filgħaxija fil-Palazz tal-Verdala mtella’ mill-Kamra Maltija tal-Moda.

Matul din is-serata, se jkun hemm sitt disinjaturi oħrajn li se jippreżentaw il-kollezzjonijiet tagħhom fosthom id-disinjatur Malti James Dimech, 4 disinjaturi tal-ħwejjeġ mill-Afrika t’Isfel, kif ukoll disinjatriċi Taljana tal-ġojjellerija Marina Corazziari.

Id-dħul mill-attività se jingħata lill-Malta Community Chest Fund.

Aħbarijiet Oħra
Għawdex

F’Għawdex tnieda servizz ta’ emerġenza ġdid għall-pubbliku li se jopera wara l-ħinijiet tal-uffiċċju, fi tmiem il-ġimgħa kif ukoll fil-btajjel pubbliċi. Dan is-servizz, li beda fuq inizjattiva tal-fergħa Għawdxija tal-Fondazzjoni għal…

Annimali

F’dan iż-żmien tas-sena ħafna jsibu ħin biex jagħmlu atti ta’ imħabba jew solidarjetà mal-oħrajn. Artista Franċiża li tgħix Malta ddeċidiet li ttella’ wirja b’pitturi biex bil-flus li tiġbor mill-bejgħ tagħhom,…

Mużika

Il-kunċert tal-President għas-Sena l-Ġdida se jżomm mat-tradizzjoni u jsir fl-Epifanija fis-6 ta’ Jannar f’Dar il-Mediterran għall-konferenzi l-Belt. Il-kunċert b’kollaborazzjoni ma’ Festival Malta u l-Orkestra Filarmonika ta’ Malta se jsir b’risq…

Kronaka

L-awtoritajiet tal-Faċilità Korrettiva ta’ Kordin qed jinvestigaw il-mewt ta’ priġunier Malti ta’ 26 sena li nstab mejjet. Television Malta jinsab infurmat li l-priġunier neħħa ħajtu. Fi stqarrija maħruġa mill-Faċilità Korrettiva…

Aktar