Lokali
Diversi telespetaturi se jitiflu 10 stazzjonijiet tat-TV

Il-kumpanija Melita tard illejla ser twaqqaf għalkollox it-trasmissjonijiet ta’ għaxar stazzjonijiet li għadhom ixandru bis-sistema analogue għalkemm ser jibqgħu jixxandru bis-sistema diġitali. It-tmiem ta’ das-servizz mistenni jaffettwa diversi telespettaturi li għadu qed jaraw it-televiżjoni b’din is-sistema antikwata.

Diversi telespettaturi li l-għadd tagħhom mhux magħruf minn għada ser jispiċċaw mingħajr l-istazzjonijiet l-aktar popolari u minflok ser ikollhom screen tat-televiżjoni mimli ross. Dan għaliex dawn it-telespettaturi kienu qed jaraw dawn l-istazzjonijiet fuq il-pjattaforma tal-Melita permess tas-sistema analogue.

Il-kumpanija Melita iddeċidiet li titfi das-servizz minħabba li l-istazzjonijiet issa qed ixandru bis-sistema diġitali li hija ta’ kwalità ferm aħjar. B’kollox ser jiġu affettwati għaxar stazzjonijiet li mas-servizz diġitali tagħhom għadhom ixxandru wkoll bis-sistema analogue.

Is-sur Simon Montanaro mill-kumpanija Melita qal li l-Melita ilha għal dawn l-aħħar xahrejn ixxandar avviż dwar it-tmiem tat-trasmissjoni analogue li qed jidher fuq faxx blu.

“Ħa nitfuħ biex nagħtu servizzi aħjar tal-internet, il-klijenti tal-Melita li għadhom qed jaraw signal tal-analogue avżajniehom kollha biex jaqilbu digital li hija tekonoloġija ħafna aħjar” qal Montanaro.

Il-kumpanija qalet li dawk li qegħdin jużaw is-servizz tat-televiżjoni diġitali mhumiex ser ikunu affetwati.

Aħbarijiet Oħra
Għawdex

F’Għawdex tnieda servizz ta’ emerġenza ġdid għall-pubbliku li se jopera wara l-ħinijiet tal-uffiċċju, fi tmiem il-ġimgħa kif ukoll fil-btajjel pubbliċi. Dan is-servizz, li beda fuq inizjattiva tal-fergħa Għawdxija tal-Fondazzjoni għal…

Annimali

F’dan iż-żmien tas-sena ħafna jsibu ħin biex jagħmlu atti ta’ imħabba jew solidarjetà mal-oħrajn. Artista Franċiża li tgħix Malta ddeċidiet li ttella’ wirja b’pitturi biex bil-flus li tiġbor mill-bejgħ tagħhom,…

Mużika

Il-kunċert tal-President għas-Sena l-Ġdida se jżomm mat-tradizzjoni u jsir fl-Epifanija fis-6 ta’ Jannar f’Dar il-Mediterran għall-konferenzi l-Belt. Il-kunċert b’kollaborazzjoni ma’ Festival Malta u l-Orkestra Filarmonika ta’ Malta se jsir b’risq…

Kronaka

L-awtoritajiet tal-Faċilità Korrettiva ta’ Kordin qed jinvestigaw il-mewt ta’ priġunier Malti ta’ 26 sena li nstab mejjet. Television Malta jinsab infurmat li l-priġunier neħħa ħajtu. Fi stqarrija maħruġa mill-Faċilità Korrettiva…

Aktar