Kultura
DJ Tenishia mal-Orkestra Filarmonika ta’ Malta

L-Orkestra Filarmonika ta’ Malta se terġa’ tikkollabora ma’ DJ Tenishia għal kunċert bla ħlas, is-Sibt 25 ta’ Lulju, fi Pjazza San Ġorġ il-Belt.

Il-kunċert TEMPO se jġedded il-memorja ta’ ħafna għall-kollaborazzjoni li kien hemm bejn id-DJ u l-orkestra sentejn ilu, fil-ftuħ tal-Belt Kapitali Ewropea tal-Kultura bil-mużika klassika se titwaħħad ma dik house. Il-kunċert se jsir mingħajr ħlas, bl-għan tiegħu hu li jerġa’ jqajjem l-attività ekonomika fil-Belt wara l-għawġ tal-pandemija.

Ic-Chairman tal-Aġenzija Kulturali tal-Belt, Jason Micallef, qal li mal-orkestra u ma’ Tenishia se jingħaqdu diversi kantanti lokali stabbiliti u oħrajn żgħażagħ. Is-Sur Micallef qal li fl-ewwel ħmistax mindu reġa’ fetaħ kollox, diġa’ ġew innutati sinjali pożittivi.