Lokali
“Dmirna hu li nagħtu lura l-libertà lill-vittmi ta’ traffikar uman” – Julia Farrugia Portelli

Is-Segretarju Parlamentari Julia Farrugia Portelli qalet li l-globalizzazzjoni ġabet żieda fil-kriminalità tat-traffikar uman.

Waqt laqgħa f’Londra, Farrugia Portelli qalet li d-dmir tagħhom huwa li jagħtu lura l-libertà lil dawk il-vittmi ta’ esplojtazzjoni. Saħqet li l-iskjavitù modern hu problema internazzjonali li jimmerita soluzzjoni internazzjonali.

Julia Farrugia Portelli kienet qed tmexxi delegazzjoni inter-ministerjali responsabbli mit-twettiq tar-riforma li se tindirizza l-problema tat-traffikar uman. F’laqgħat f’Londra, flimkien ma’ uffiċjali għolja Ingliżi, huma qasmu l-esperjenzi tagħhom f’dan il-qasam.

Fi stqarrija, is-Segretarju Parlamentari spjegat li l-iskop prinċipali tar-riforma fil-qasam tat-traffikar uman huwa li tingħata protezzjoni lil persuni vulnerabbli li jiġu sfruttati għal skopijiet ta’ xogħol, ta’ sess u ta’ organi fost l-oħrajn.

Iż-żjara seħħet bil-għajnuna tal-Kummissjoni Għolja Ingliża f’Malta. Il-laqgħat segwew taħriġ speċjalizzat li ngħata riċentament lill-ħaddiema tal-Aġenzija Identità Malta biex issaħħaħ l-isforzi tagħha fl-identifikazzjoni ta’ ħaddiema li qed isofru xi forma ta’ abbuż.

Waqt dawn il-laqgħat, Julia Farrugia Portelli tenniet l-impenn tal-Gvern li fiż-żmien qarib jimplimenta pjan ta’ azzjoni nazzjonali bl-involviment konġunt ta’ entitajiet governattivi u tal-forzi tal-ordni maħsuba biex tiġi indirizzata din il-problema u fuq kollox tingħata għajnuna u tama ġdida lill-vittmi.

Ara wkoll:

 

Ta’ 80 sena jitfawha fit-triq wara li użawha bħala skjava

Aħbarijiet Oħra
Lokali

Emanuel Grech se jingħata l-aħħar tislima nhar is-Sibt li ġej. Il-funeral se jsir fil-Knisja Parrokkjali ta’ San Ġiljan fid-8.45am. Emanuel Grech ta’ 65 sena minn Ħaż-Żebbuġ tilef ħajtu meta waqa’…

Kronaka

Raġel li kien imfittex mill-Pulizija b’rabta mar-rejd li sar mill-Pulizija ta’ Kontra d-Drogi erbat ijiem ilu ġie arrestat matul il-lejl fil-Gżira. TVM segwa l-mument li r-raġel kien iċċirkondat minn tlett…

Lokali

Il-grupp mużikali Lucy’s Last ħareġ l-ewwel vidjow mużikali tiegħu għal din is-sena – “Goodbye”. Id-diska mfassla fuq stil ‘indie’, għandha elementi tal-mużika elettronika li jagħtu xeħta lill-ġeneru tas-snin 80. Dan…

Lokali

Il-GRTU qalet li se tagħti l-aħħar ta’ din il-ġimgħa biex jingħalqu d-diskussjonijiet dwar il-kwistjoni li żviluppat fuq il-pompi tal-petrol. Fi stqarrija, il-GRTU qalet li lbieraħ saret laqgħa mal-Ministru għall-Enerġija  Joe Mizzi…

Aktar