Barranin
Donald Trump jitkellem wara li l-ex konsulent tas-sigurtà nazzjonali ddikjara l-kooperazzoni tiegħu mar-Russja

Il-President Amerikan Donald Trump ta r-reazzjoni tiegħu wara li l-ex konsulent tas-sigurtà Nazzjonali Michael Flynn iddikjara l-ħtija tiegħu għal kooperazzjoni illegali mar-Russja. Trump qal li l-azzjonijiet ta’ Michael Flynn kienu skont il-liġi u li hu bħala President m’għandu xejn x’jaħbi, iżda spjega li hu kellu jkeċċi lill-Ġeneral Michael Flynn għaliex dan gideb lill-Viċi President u lill-FBI.

Bħalissa Michael Flynn qed jikkoopera ma’ Robert Mueller li qed imexxi l-investigazzjoni dwar l-allegat indħil mir-Russja fl-elezzjoni Presidenzjali tas-sena li għaddiet li rebbħet lil Donald trump. Jum wara li Flynn ġie mixli b’akkużi ta’ kooperazzjoni llegali mal-Gvern Russu, tkeċċa aġent tal-FBI wara li nstab li dan kien qed jibgħat messaġġi bil-mobile kontra Trump.

Intant analisti qed jgħidu li jekk Trump kien jaf li Flynn gideb lill-FBI meta dan kien qed jitfa’ pressjoni kbira fuq l-ex direttur tal-FBI James Comey biex iwaqqa’ l-investigazzjoni kontra Michael Flynn, allura Trump jista’ jiġi akkużat għal indħil fil-proċess tal-ġustizzja.

Aħbarijiet Oħra
Barranin

Fl-Italja għargħar laqat it-tramuntana tal-pajjiż b’mijiet ta’ nies kellhom jevakwaw darhom b’oħrajn ifittxu kenn f’bini għoli biex jevitaw l-ilmijiet qawwija. L-ilmijiet laqtu l-iktar lill-ibliet ta’ Lentigione u Brescello fir-reġjun ta’…

Barranin

Fl-Istati Uniti, l-aggressur Akayed Ullah, li huwa akkużat b’attakk terroristiku fi stazzjon nhar it-Tnejn li għadda f’Manhattan fi New York, ippostja messaġġ fuq il-midja soċjali indirizzat għall-President Amerikan Donald Trump…

Barranin

Splużjoni kbira f’impjant tal-gass fl-Awstrija ħalliet persuna mejta u minn tal-anqas 18 feruti. L-isplużjoni li seħħet għall-ħabta tad-8.45 ta’ dalgħodu fis-sit Baumgarten ikkawżat ukoll in-nirien, bl-awtoritajiet iżda jgħidu li s-sitwazzjoni…

Aktar