Barranin
Dylan ta’ Beverly Hills tatu puplesija u jinsab f’qagħda gravi

L-attur popolari Luke Perry, magħruf l-iktar għar-rwol li kellu ta’ Dylan McKay fis-sensiela televiżiva Beverly Hills, jinsab rikoverat l-isptar wara li tatu puplesija.  Huwa jinsab f’qagħda gravi wara li nstab li l-attakk ta’ puplesija kien qawwi ħafna.

L-aġent tal-attur Amerikan ta’ 52 sena ċaħad xniegħet li Perry jinsab f’koma u qal li ngħata sedazzjoni f’tentattiv biex tittaffa l-kundizzjoni devastanti li jinsab fiha.

Waħda mill-ewwel artisti li kitbet fuq is-siti soċjali kienet Shannon Doherty, li kienet waħda mill-protagonisti fis-sensiela tant popolari fid-disgħinijiet bir-rwol ta’ Brenda Walsh.  Hija kitbet messaġġ emozzjonali u qalet li bħalissa jinsab fi ħsibijietha tant li tixtieqlu s-saħħa.

Perry kien ukoll protagonist fid-drama Riverdale u l-kollegi tiegħu f’din is-sensiela awgurawlu fejqan b’messaġġi ta’ kuraġġ fuq il-media soċjali f’dawn il-mumenti diffiċli għalih u għall-familja tiegħu.

Aħbarijiet Oħra
Kurżitajiet

Missier, ibnu u t-tfajla tiegħu jistgħu jgħodduha b’waħda hekk kif ġew salvati bit-traskuraġni ta’ ħaddieħor. Curtis Whitson flimkien ma’ ibnu u t-tfajla tiegħu ddeċidew iqattgħu xi jiem jesploraw ix-xmara Arroyo…

Barranin

Żagħżugħ li jaħdem f’pompa tal-petrol f’Milan qed ikun meqjus eroj wara li salva tifel ta’ 5 snin li waqa’ minn gallarija fit-tieni sular. Angel Micael Vargas Fernandez, li huwa mill-Arġentina…

Barranin

F’Illinois, insatbu eluf ta’ fdalijiet ta’ feti fir-residenza privata ta’ Dr Ulrich Klopfer. Is-sejba saret mill-qraba huma u jiżbarazzaw l-affarijiet ta’ Dr Klopfer li miet fit-3 ta’ Settembru. It-tabib kien…

Kurżitajiet

Ħadd ma basar li mill-Palazz Blenhein, seta’ jinsteraq loki tad-deheb li kien imwaħħal b’kollox mas-sistema tad-drenaġġ. Il-loki, ta’ 18-il karat deheb pur, inġarr minn grupp ħallelin fis-sigħat bikrin ta’ filgħodu….

Aktar