Lokali
€1 miljun f’fondi Ewropej biex jgħinu lill-bdiewa

Mal-500 bidwi jistgħu jibbenefikaw minn għajnuna biex itejbu l-immaniġġjar u l-konservazzjoni tal-ħamrija u għal prattiċi u metodi organiċi fir-raba’. Għal dawn iż-żewġ miżuri, il-Gvern alloka aktar minn miljun ewro mill-fondi Ewropej.

Is-Segretarju Parlamentari għall-Fondi Ewropej Aaron Farruġia spjega li permezz ta’ żewg miżuri finanzjati minn fondi Ewropej, il-bdiewa ser jiġu mħeġġa fl-immaniġġjar u l-konservazzjoni tal-ħamrija u biex jaqilbu għall-produzzjoni ta’ prodotti organiċi.

“Illum għandna żewġ skemi, wieħed biex il-bidwi itejjeb il-ħamrija tiegħu u qed nallokaw €1 miljun ta’ fondi Ewropej u t-tieni skema għal bidwi li jrid jaqleb mill-produce tradizzjonali għal produce organika u għandna programm ta’ €170,000 għall-bdiewa” qal Aaron Farrugia.

Is-Segretarju Parlamentari għall-Agrikoltura Clint Camilleri qal permezz ta’ fondi Ewropej trid tingħata spinta lill-biedja organika għalkemm stqarr li ċ-ċokon tal-għelieqi joffri sfidi kbar għall-prattiċi organiċi .

 

Clint Camilleri qal li “nafu kemm din dieħla f’pajjiżna u kemm hawn bdiewa jaħdmu l-organiku u propju permezz ta’ din il-miżura se nkunu qed ninċentivaw dak il-bidwi li forsi qatt ma ħadem b’mod organiku li jrid jaqleb is-sistema tiegħu għall-parti tar-raba’ tiegħu jew għar-raba’ kollha sabiex jaħdem b’mod organiku.

Is-Segretarji Parlamentari spjegaw li l-għajnuniet lil bdiewa li japplikaw għal dawn l-iskemi ser ikunu determinati skont ir-raba’ li jaħdmu.

Aħbarijiet Oħra
Lokali

Il-Fondazzjoni RISE ser tiftaħ it-tieni dar għall-priġunieri li waslu fl-aħħar sena biex jiskontaw is-sentenza. Il-Fondazzjoni għandha programm li jgħin b’ħiliet biex jintegraw fis-soċjetà meta jiskuntaw is-sentenza. Il-Ministru Michael Farrugia qal…

Partit Laburista

Il-Partit Laburista permezz tal-Ministru għal Għawdex Justyne Caruana u l-kandidat għall-elezzjoni tal-Parlament Ewropew Alex Agius Saliba qal li l-Kap tal-Oppożizzjoni Adrian Delia huwa maqtugħ mir-realtà u ma jafx x’qed jiġri…

Lokali

Reċta dwar l-immigrazzjoni kellha titħassar minħabba li wieħed mill-atturi ma kellux il-viża biex jiġi Malta. Phosphoros Theatre kienet kostretta li tħassar ir-reċta f’Malta minħabba li attur minnhom ma applikax għall-viża….

Annimali

Għas-Supretendent Mario Haber is-sejba ta’ kelb mejjet u erbat iqtates ħajjin fid-dar ta’ mara mejta f’San Pawl il-Baħar “kien każ uniku”. Is-Supretendent Haber tkellem ma’ Moira Delia dwar x’sabu l-Pulizija…

Aktar