Lokali
€170,000 f’fondi għall-kmamar tan-nar

Wara d-deċiżjoni tal-Qorti tal-Appell li għalqet kamra tan-nar minħabba nuqqas ta’ distanza mit-triq, il-Ministru għall-Ġustizzja Owen Bonnici qal li fil-jiem li ġejjin se jitħabbru emendi fil-liġi bil-għan li ma jkunx hemm aktar lok ta’ misinterpretazzjoni. Sadanittant, tnieda fond li minnu jistgħu jibbenefikaw is-36 kamra tan-nar biex itejjbu l-infrastruttura u s-sigurta fl-operat tagħhom.

Fl-isfond tad-deċiżjoni tal-Qorti tal-Appell li annullat il-permess ta’ kamra tan-nar fil-limiti taż-Żebbiegħ, minħabba li mhix mibnija f’distanza ta’ 183 metru mit-toroq tal-madwar, il-Ministru għall-Ġustizzja Owen Bonnici qal lil TVM li din is-sentenza ġiet diskussa fil-kabinett. Qal li fil-jiem li ġejjin, il-Ministru għall-Intern Michael Farrugia se jipproponi emendi fil-liġi dwar il-kmamar tan-nar.

Il-Ministru għall-Ġustizzja, Kultura u Gvern Lokali Owen Bonnici qal ”il-liġi kif inhi qed tagħti lok ta’ interpretazzjoni u tista’ tiġi interpretata b’mod differenti u allura s-sustanza tas-sentenza hija bbażata fuq interpretazzjoni partikulari tal-liġi. Bis-saħħa ta’ intervent leġiżlattiv se nkunu qed nintervjenu sabiex ma jkunx hemm lok ta’ interpretazzjoni li jagħti riżultati li jkunu b’xi mod bħal dawk li rajna f’dik is-sentenza.”

Sadanittant, bil-għan li tissaħħaħ is-sigurtà u l-infrastruttura fil-kmamar tan-nar, il-Ministru Bonnici nieda fond ta’ €170,000. Qal li kull kamra tan-nar liċenzjata tista’ tibbenefika sa €5,000. Hu qal li din hija l-ewwel darba li ser tingħata għajnuna finanzjarja lill-piroteknika.

Dan il-fond huwa parti minn programm amministrat mill-Kunsill Malti għall-Arti. Iċ-chairman eżekuttiv tal-Kunsill, Albert Marshall, qal li l-Maltin qed jagħmlu isem fix-xena internazzjonali tal-arti piroteknika u għalhekk wasal il-mument li tingħata għajnuna biex il-pirotekniċi Maltin ikomplu jipperfezzjonaw ix-xogħol tagħhom.

Aħbarijiet Oħra
Lokali

Il-kunstistabbli Simon Schembri llum kien fost dawk onorati bil-Midalja għall-Qadi tar-Repubblika waqt ċerimonja ppreseduta mill-President ta’ Malta Marie Louise Coleiro Preca. Schembri tilef parti minn driegħu u għal xi ħin…

Ġurnali

In-Nazzjon: Fuq il-faċċata, kif qed jagħmlu ħafna mill-ġurnali tal-lum, ritratt tal-Prim Ministru Ingliża Theresa May li lbieraħ irnexxielha ssalva minn vot ta’ sfiduċja kontriha fil-partit konservattiv b’200 vot favur u…

Lokali

Matul il-ġurnata il-PBS se jiftaħ il-bibien tiegħu għas-segwaċi tal-programmi tat-tv u tar-radju biex ikollhom l-opportunità jaraw l-istudjos minn fejn jixxandru l-programmi u jiltaqgħu mal-preżentaturi u atturi li tant jammiraw. Fosthom…

Kronaka

Żewġt irġiel indarbu meta ttajru minn vettura f’B’Kara. L-inċident seħħ għall-ħabta tas-1.30am, bil-Pulizija ġiet infurmata li kien hemm bżonn l-assistenza tagħha fi Triq Dun Karm, Birkirkara. Il-Pulizija tad-Distrett marru fuq…

Aktar