Għawdex
Se jibda jingħata kull xahar is-sussidju lill-istudenti Għawdxin għall-ħlas tal-kera

L-istudenti universitarji Għawdxin għandhom allowance ta’ €500 bħala sussidju għall-kera u kien jitħallas mill-Gvern kull tliet xhur b’lura. Madankollu l-istudenti Għawdxin li jikru f’Malta biex jiffrankaw it-traġitt ta’ kuljum bejn Għawdex u l-Università xorta kienu jħallsu l-kera kull xahar. Biex jonqos dan il-piż, il-Ministru għal Għawdex Justyne Caruana ħabbret li l-Gvern qabel li din l-allowance tibda titħallas proporzjalment.

Dr Caruana qalet, “Hemm iktar solljev ħalli dak li jkun ikollu s-serħan tal-moħħ illi fl-aħħar tax-xahar se jkollu l-allowance dieħla biex ikun jista’ jilħaq il-commitments ta’ kera u spejjeż oħra li jkollhom.”

Il-Ministru Caruana qalet li l-Gvern ħadem fuq dan it-tibdil fis-sistema tal-ħlas fuq suġġeriment tal-għaqda tal-istudenti universitarji Għawdxin, GUG.

Il-President tal-GUG, Rachel Galea, qalet li dan it-tibdil fis-sistema tal-ħlas tal-allowance tal-akkomodazzjoni se jagħti nifs lill-istudenti Għawdxin għax b’hekk ma jridux jaraw kif se jlaħħqu għall-ħlas tal-kera kull xahar.  Sostniet li l-GUG għaddejja bi proposti oħra biex tiffaċilita l-ħajja tal-istudenti Għawdxin.

Rachel Galea qalet “barra r-renta għandna t-transport il-mini buses u hekk qed jieħdu vantaġġ u jogħlew il-prezzijiet iktar. Bħala transport l-X1 ukoll diffiċli billi tgħaddi mill-ajruport tkun mimlija u l-istudent idum jistenna, shelters m’hemmx fejn student jista’ jistkenn waqt li tkun ix-xita. Nippruvaw bil-mod il-mod ngħinnu lill-istudent kif nistgħu.”

Il-Ministru Caruana qalet li l-Gvern qed ikompli jaħdem biex jghin lill-istudenti Għawdxin li jgħixu Malta, fosthom semmiet li fil-White Paper dwar il-Liġi tal-kera tkopri wkoll il-kirjiet li jsiru lill-istudenti Għawdxin f’Malta.

Aħbarijiet Oħra
Politika

Il-Gvern Malti kkundanna ż-żieda fil-vjolenza li qed tkun irrappurtata madwar Gaza, b’mod partikolari fuq il-pubbliku. Fi stqarrija l-Ministeru għall-Affarijiet Barranin u l-Promozzjoni tal-Kummerċ esprima l-kondoljanzi tiegħu mal-qraba tal-vittmi u solidarjetà…

Lokali

Bħala parti mill-proċess ta’ reviżjoni tar-Reġistru Elettorali, il-Kummissjoni Elettorali qed tfakkar lil kull min jikkwalifika biex ikun reġistrat bħala votant fit-30 ta’ Settembru 2018 għandu jiċċekja jekk ismu u l-partikolaritajiet…

Saħħa

Mis-sena d-dieħla l-maħżen tal-mediċini tal-isptar Mater Dei, se jibda jimplimenta sistema awtomatika u robotika li biha eventwalment il-medicini jibdew jitwasslu lill-pazjenti rikoverati fl-isptar. Id-Deputat Prim Ministru u Ministru għas-Saħħa Chris…

Aktar