Lokali
Ebda żblokk fil-kwistjoni dwar il-pompi tal-petrol

Wara laqgħa li saret iktar kmieni llum bejn il-Ministeru għall-Enerġija u l-GRTU ma kien hemm ebda żblokk fil-kwistjoni li żviluppat dwar il-pompi tal-petrol.

Minn tagħrif li kiseb TVM jirriżulta li fit-taħditiet tal-lum, il-Gvern m’aċċettax il-proposta tal-GRTU li jgħolli l-prezz tal-fjuwil.  Fi stqarrija, il-Gvern qal li ma laqax dawn it-talbiet għax f’dan l-istadju l-prezz tal-fjuwil jogħla għall-konsumatur lil hinn mill-prezz internazzjonali tal-fjuwil.

Fl-istqarrija maħruġa mill-Ministeru għall-Enerġija ntqal li l-Gvern offra żieda oħra ‘l fuq minn dak deċiż fl-2011 biex ma jintefax piż fuq il-familji u n-negozji.  Fl-2011 kienet ingħatat żieda fil-qliegh mill-fjuwil lill-pompi biex tagħmel tajjeb għall-investiment strutturali li għandu jsir.

Fil-jiem li għaddew il-GRTU qalet li l-Gvern mar lura fuq dak li kien ġie miftiehem dwar il-pompi tal-petrol u rreġistrat tilwima industrijali, filwaqt li m’eskludietx li tordna azzjonijiet fil-jiem li ġejjin.

Il-kwistjoni hija dwar il-ħtiġijiet tal-operaturi tal-pompi li jridu jtejbu u jaġġornaw maż-żminijiet il-faċilitajiet tagħhom skont il-liġi sa mhux iktar tard mill-2020.  Intant, il-Gvern qal li l-bieb għat-taħditiet se jibqa’ miftuħ.

Ara wkoll:

Il-GRTU f’tilwima mal-Gvern fuq il-pompi tal-petrol

Aħbarijiet Oħra
Lokali

Ir-reklużjoni ta’ priġunieri fil-Faċilità Korrettiva ta’ Kordin għadha meħtieġa? Fl-opinjoni tad-Dekan tal-Fakultà għat-Tisħiħ tas-Soċjetà fl-Università ta’ Malta, il-Professur Andrew Azzopardi, ir-reklużjoni għandha titneħħa għal kollox. Iżda f’għajnejn l-opinjonista Malcolm Seychell,…

Saħħa

Il-mediċina tradizzjonali Ċiniża bdiet eluf ta’ snin ilu, iżda għadha mfittxija sal-lum il-ġurnata, inkluż f’Malta. Eluf ta’ Maltin fl-aħħar snin fittxew it-trattamenti tradizzjonali Ċiniżi fiċ-ċentru mediku Ċiniż. Bl-iffirmar ta’ protokol…

Kronaka

Ir-residenti tal-blokk appartamenti f’Ħal Qormi, fejn seħħ in-nar dalgħodu, ingħataw is-serħan tal-moħħ li jistgħu jibqgħu jgħixu f’darhom. Is-Segretarju Parlamentari għall-Akkomodazzjoni Soċjali Roderick Galdes ikkonferma li wara li l-Awtorità tad-Djar ħadet…

Qorti

Wieħed minn persuni arrestati waqt party fir-Rabat fil-lejl ta’ Santa Marija l-ġimgħa l-oħra, baqa’ miżmum arrestat wara li ġie akkużat li kellu 66 qartas b’sustanza bajda allegatament droga. L-Ingliż, Ralph…

Aktar