Edukazzjoni
Edukaturi Maltin jibbenefikaw minn App imfassla minn esperti Finlandiżi

L-Edukazzjoni fil-Finlandja, riżorsi ġodda għall-għalliema, il-pedagoġija Finlandiża u kif din tista’ tiġi implimentata mal-istudenti f’Malta, kienet it-tema ewlenija ta’ konferenza mifruxa fuq jumejn u li fiha ħadu sehem iktar minn tliet mitt edukatur.

App diżinjata minn edukaturi u esperti Finladiżi mimlija riżorsi u pjani ta’ lezzjonijiet għall-għalliema, tnediet għall-ewwel darba f’pajjiż barra mill-Finlandja. U huma edukaturi Maltin li se jibbenefikaw minn din l-App imfassla mil-Learning Scoop tal-Finlandja – kumpanija li toffri servizz ta’ taħriġ dwar pedagoġija Finlandiża għall-edukaturi.

Mat-tliet mitt edukatur ħadu sehem f’konferenza ta’ tliet ijiem organizzata mill-iskola Mater Boni Consilli St Joseph ta’ Raħal Ġdid. L-edukaturi ħadu sehem f’workshops dwar kif metodoloġiji u sistemi ta’ tagħlim użati fl-iskejjel Finlandiżi jistgħu jiġu applikati fl-iskejjel Maltin.

Il-Ministru tal-Edukazzjoni Evarist Bartolo qasam l-ideat tiegħu mal-edukaturi u qal li kull pajjiż irid isib triqtu fl-edukazzjoni u l-Finlandja huwa eżempju eċċellenti li jgħallem kemm huwa importanti l-logħob, l-edukazzjoni barra l-klassi u li tinħoloq klima bbażata fuq il-fiduċja fit-tfal. Saħaq ukoll li l-iskejjel m’għandhomx ikunu bħal fabbriki ta’ testijiet u eżamijiet.

Il-moħħ wara l-App introdotta lill-edukaturi Maltin, hija Johanna Jarvinen Taubert. L-App se tingħata b’xejn għal sena lill-għalliema kollha Maltin li jgħallmu fil-primarja.

Johanna Jarvinen Taubert qal “it’s been amazing, the feedback and enthusiasm we have experienced here, so we are very proud and very happy. The conference was unbelievable. There were several hundred participants, Maltese educators are so involved and interested and willing to share and learn from each other/ So I think as educator, I couldn’t’ have asked for more.”

Għall-konferenza b’kollaborazzjoni mal-Fondazzjoni Tumas Fenech għall-Edukazzjoni fil-Gurnalizmu, attendew ukoll edukaturi minn Spanja u r-Renju Unit.

Aħbarijiet Oħra
Air Malta

Il-Ministru għat-Turiżmu, Konrad Mizzi qal li fil-jiem li ġejjin se jitħabbru riżultati finanzjarji pożittivi għal-linja nazzjonali tal-ajru. Fil-ftuħ tal-fiera annwali tal-ivjaġġar, l-AMITEX, il-Ministru qal li l-viżjoni tal-Gvern hi li l-Air…

Politika

Fi Brussell, kien hemm ukoll il-Kap tal-Partit Nazzjonalista, Adrian Delia, li attenda għal-laqgħa tal-kapijiet tal-partiti membri tal-Partit Popolari Ewropew. Stqarrija tal-Partit Nazzjonalista kkowtat lil Dr Delia jgħid li jeħtieġ li…

Politika

Il-Prim Ministru Joseph Muscat qal li r-realtà fid-drama dwar Brexit hi li jiġri x’jiġri, l-UE se tkun qed ittawwal il-ħruġ tar-Renju Unit mill-UE b’ġimgħa biss, għax jekk il-ġimgħa d-dieħla il-Parlament…

Sport

Sens kbir ta’ sodisfazzjon u arja ta’ festa fost il-kontinġent Malti li kkompeta fil-logħob dinji tal-Ispecial Olympics. It-28 atleta b’diżabbiltà intellettwali ġejjin lura Malta b’erbgħin midalja, 12 minnhom tad-deheb. L-atleti…

Aktar