Malta
Eku tat-Tieni Gwerra Dinjija f’Malta

James Holland huwa awtur u xandar li ħadem ma’ stazzjonijiet rinomati fosthom mal-BBC. Hu wkoll storiku li rriċerka fuq il-gżejjer Maltin fit-Tieni Gwerra Dinija. Huwa jinsab Malta biex jitkellem dwar l-eku ta’ dan il-kapitlu fl-istorja.

Imnebbaħ mir-rakkonti animati ta’ bdot Ingliż ta’ spitfire fl-1942, l-awtur, storiku, u xandar popolari James Holland jistqarr li kien ispirat mill-istorja tal-poplu Malti u l-qlubija li wera meta ssielet il-bumbardamenti mill-ajru waqt it-Tieni Gwerra Dinija.

”I looked into it and realized what an amazing story it was and I also realized that there hadn’t been a book written about the siege of Malta and what Malta had gone through for a very long time…”

James wettaq riċerka dettaljata dwar il-ġrajjiet tat-Tieni Gwerra Dinija li ddokumenta fil-ktieb Fortress Malta: An Island Under Siege. Il-pubblikazzjoni hija miżgħuda b’osservazzjonijiet li silet minn intervisti ma’ veterani, storiċi u qraba tal-vittmi tal-gwerra.

”It’s hard to imagine that only seventy odd years ago, this place was the most bombed location in the entire world at one point, and that it was starving and that it was being pounded into the sea… that just seemed unbelievable almost” qal James.

Ir-rakkont storiku joffri analiżi storika tal-ġrajjiet katastofiċi u l-fatturi li wasslu għall-aġir distruttiv li jsostni li jibqa’ tebgħa kerha fl-istorja taċ-ċiviltà Ewropea.

James stqarr ”I don’t think history repeats itself but patterns of human behavior do and what you saw in the 1930s was the emerging of the polarization of politics, you saw the rise of nationalism… and the rise of ultra nationalism, and that was a direct response to a major economic disaster.”

Isostni li għal din ir-raġuni li l-istorja m’ għandhiex tintesa biex ma jkunux ripetuti traġedji umani.

”The extremes are not quite as bad as they were in early 1930s but there are lessons to be learnt and you know, you ignore history and you ignore the past at your peril, and I think it’s incredibly important that you understand the past and patterns of human behaviour because that enables us to be in a position to heed their warnings and prepare for them” żied jgħid James.

James se jindirizza taħdita bbażata fuq il-ktieb li se jżewwaqhom mal-mod kif evolviet l-istorja matul dawn is-serbgħin sena. Il-qliegħ mill-attività se jmur għall-restawr tal-katidral Anglikan ta’ San Pawl fil-Belt.

L-intervista ma’ James Holland saret f’La Vallette Lounge, b’kortesija tal-Ajruport Internazzjonali ta’ Malta.

Aħbarijiet Oħra
Droga

Uffiċjali tad-Dwana rnexxielhom isibu kwantita’ kbira ta’ droga kokaina. Is-sejba saret dalgħodu f’4 kontejners waqt ħidma li saret mid-Dwana fil-Port Ħieles. Fi stqarrija, id-Dwana qalet li wara li ġew skenjati…

Saħħa

Huma fost l-aktar annimali li l-bniedem jistkerraħ u possibilment bl-akbar appoġġ li jigu vvalenati. Dawn huma l-ġrieden u l-firien li hu pruvat li jistgħu jkunu ta’ theddida għas-saħħa pubbliku għax…

Internet

Bosta mis-siti elettroniċi tal-Gvern għad m’għandhomx verżjoni bil-Malti jew m’għandhomx l-informazzjoni kollha bil-Malti wkoll. Il-Kunsill Nazzjonali tal-Ilsien Malti qajjem dan il-punt mal-awtoritajiet iżda s-sitwazzjonijiet ma nbidlitx. Għalkemm l-ilsien Malti hu…

Infrastruttura

Sittin fil-mija tal-ilma li jasal fid-djar tal-Maltin ġej mill-impjanti ta’ desalinizzazzjoni. F’intervista ma’ TVM, il-Kap Eżekuttiv tal-Korporazzjoni għas-Servizzi tal-Ilma, Richard Bilocca spjega li l-pjan tal-korporazzjoni hu li dan jiżdied biex…

Aktar