Parlament
Elezzjoni każwali fit-tielet distrett għal membru parlamentari ġdid flok Helena Dalli

Meta l-Parlament jerġa’ jiltaqa’ s-sena d-dieħla, se jkollu membru parlamentari ġdid minflok Helena Dalli li issa qed isservi bħala Kummissarju Ewropew fl-Unjoni Ewropea. L-elezzjoni każwali biex jimtela’ dan is-siġġu battal fit-tielet distrett elettorali se ssir bħal-lum ġimgħa, nhar l-Erbgħa 11 ta’ Diċembru.

Eliġibbli jikkontestaw sitt kandidati li kienu fil-lista tal-Partit Laburista fit-tielet distrett u ma ġewx eletti fl-elezzjoni ġenerali ta’ sentejn u nofs ilu. In-nomini se jintlaqgħu mill-Kummissjoni Elettorali bejn għada u d-9 ta’ Diċembru.