Mużika
Eliana preparata biex tirrappreżenta lil Malta fil-Junior Eurovision Song Contest

L-istudenti fl-iskola St Joseph ta’ Blata l-Bajda b’sens qawwi ta’ entusjażmu awguraw lil kollega taghhom Eliana Gomez Blanco qabel ma tħalli Malta lejn il-Polonja fejn għaxart ijiem oħra se tirrappreżenta lil Malta fil-Junior Eurovision Song Contest fejn se tkanta ma rapprerzentanti ta’ 18-il pajjiż ieħor.

Il-kap tal-iskola Roberta Mifsud Bonnici qalet li Eliana minn dejjem uriet it-talenti mużikali tagħha. “Eliana kienet ħadet sehem fis-soiree tal-iskola u konna norganizzaw il-prize days.”

Eliana li għandha 14-il sena, se tinterpreta d-diska, “We Are More” waqt is-sbatax-il edizzjoni ta’ dan il-festival li fl-ahhar sitt snin intrebaħ darbtejn minn Malta.

Eliana Gomez Blanco qalet “ninsab vera looking forward ħafna u lesta biex nagħmel unur lil pajjiżi. Diġà nitkellmu bejnietna, għamilna ħbieb minn qabel allura sejra hemmhekk u looking forward għal xi ħaġa oħra, meta se niltaqgħu żgur se nkunu kuntenti u ferħanin”.

Dwar il-wirja tagħha Eliana qalet li se żżommha sorpriża iżda se tagħmel l-almu tagħha biex toffri wirja mill-isbaħ bil-kanzunetta tagħha “We are More”.

“Ninsab ċerta li se tingħoġob mal-Maltin u mal-barranin u se nagħmlu l-almu tagħna biex nipperfezzjonaw kollox,”. Mistoqsija jekk hux se jkun hemm xi żifna li takkumpanja l-wirja, Eliana qalet “jista’ jkun iva u jista’ jkun le… sorpriża”.

Iċ-ċittadini Maltin li jinsabu f’Malta u barra minn Malta, jistgħu jibdew jivvotaw għal ħames kanzunetti favuriti tagħhom, fosthom għal kanzunetta Maltija min-nhar il-Ġimgha 22 ta’ Novembru, minn fuq il-web portal, junioreurovision.tv.

Il-festival ser jixxandar dirett fuq TVM nhar il-Ħadd, 24 ta’ Novembru.

Aħbarijiet Oħra
Kronaka

Żewġ persuni ttieħdu l-Isptar Mater Dei, u oħrajn il-policlinic ta’ Ħal Kirkop, wara li għall-ħabta tat-tlieta ta’ wara nofsinhar, seħħet ħabta bejn ħames karozzi f’Ħal Luqa. Karozza tat-tip Ford Escort…

Politika

L-eks Chief of Staff Keith Schembri ssejjaħ fil-kwartieri ġenerali tal-Pulizija llum waranofsinhar, b’rabta mal-investigazzjoni fl-impjieg finta ta’ Melvin Theuma, l-intermedjarju fil-qtil ta’ Daphne Caruana Galizia. Theuma xehed fil-Qorti li kien…

Edukazzjoni

Il-Malta Union of Teachers fakkret il-mitt sena mit-twaqqif tagħha permezz ta’ monument ġdid fil-Mall tal-Floriana. Il-monument juri tifla bil-qiegħda taqra ktieb. Warajha bieb miftuħ li jissimbolozzia l-kunċett ta’ moħħ li…

Politika

Wara x-xhieda ta’ Melvin Theuma fil-Qorti aktar kmieni din il-ġimgħa, fl-aħħar sigħat il-Pulizija kellmet diversi uffiċjali fl-investigazzjoni tagħha dwar l-impjieg finta tal-istess Theuma. Sorsi li tkellmu ma’ Television Malta qalu…

Aktar