Barranin
Eluf jattendu għall-battalja medjevali tal-larinġ

Il-Battalja tal-Larinġ f’ Ivrea għal ħafna titqies bħala ħela ta’ larinġ imma għaċ-ċittadini ta’ din il-belt fit-Tramuntana tal-Italja din hi tradizzjoni storika. L-organizzaturi jgħidu li dan il-larinġ mhux tajjeb biex jittiekel

Aktar minn erbgħin elf persuna attendew għall-Battalja tal-Larinġ, li ssir kull sena fil-belt ta’ Ivrea, fit-Tramuntana tal-Italja. Dan l-avveniment jmur lura għall-Medjuevu, b’persuni lebsin kostumi medjevali kuluriti jissuttaw il-larinġ lil xulxin . . . fi tmiem il-battalja t-toroq ikunu kompletament miksija b’larinġ mifqugħ.

L-istorja tmur għaż-żmien meta Ivrea nħellset minn taħt idejn dittatur.

Fis-snin 30, tfajliet minn din il-belt bdew jitfgħu larinġ, fjuri u konfetti mill-galleriji għal fuq il-parata tal-karnival bil-għan li jiġbdu l-attenzjoni tal-irġiel. Maż-żmien din id-drawwa nbidlet l-ewwel fi dwell u mbagħad fi ġlieda bil-larinġ bejn nies fil-galleriji u oħrajn fit-toroq.

Għal persuni li jieħdu sehem, din mhijiex biss battalja bil-larinġ imma wkoll storja popolari.

Federica Mussano qalet li “si aspetta tutto questo tutto l’anno e non ce niente altro di melio di vivere queste tre giorni di battaglia.”

Luca Simoncello stqarr li “e una battaglia ma anche una storia e quindi non e solo uno sfogo di gente che tira l’arance.”

Kull sena mal-500 tunnellata ta’ larinġ min-naħa t’isfel tal-Italja jintuża bħala arma f’din il-battalja.

Aħbarijiet Oħra
Barranin

Il-Pulizija tal-Indja qalet li qabdet mara li kienet qed iġġorr xejn inqas minn 106 kapsuli bil-kokaina fl-istonku. Il-mara, li hija barranija, inqabdet bid-droga fl-ajruport ta’ Delhi. Intqal li l-mara ta’…

Barranin

F’Chieti, fl-Italja, raġel allegatament waddab lil martu mill-gallarija ta’ darhom u ftit tal-ħin wara gara lil bintu minn pont tal-awtostrada A14. It-traġedja seħħet ilbierah fejn, Fausto Filippone, għal raġunijiet mhux…

Barranin

Fil-Venezwela, il-President Nicolas Maduro ġie ri-elett bħala President għas-sitt snin li ġejjin fl-elezzjoni karatterizzata minn boycott mill-oppożizzjoni u allegazzjonijiet ta’ irregolaritajiet. F’pajjiż milqut minn kriżi ekonomika serja li qed tirriżulta…

Barranin

Żewġ bdoti, li kienu jaħdmu mal-kumpanija Messikana tal-ajruplan li ġġarraf f’Kuba nhar il-Ġimgħa, qalu li l-kumpanija kienet irċeviet ilmenti dwar is-sigurtà tal-ajruplani tagħha. L-Awtoritajiet Messikani qalu li se janalizzaw is-sigurtà…

Aktar