Lokali
Emma mat-tim l-abjad għas-serale ta’ Amici mis-Sibt li ġej

Fl-aħħar programm ta’ Amici s-Sibt wara nofsinhar, sar magħruf kif se jkunu magħmulin iż-żewġ timijiet ta’ parteċipanti fl-edizzjoni tas-serale li se tibda nhar is-Sibt li ġej.

Il-kantanta Maltija Emma se tkun qed tifforma parti mit-tim l-abjad, u magħha se jkun hemm Zic, Irama, Valentina, Daniele, Filippo u Luca.  It-tim tal-blu se jkun magħmul minn Biondo, Einar, Carmen, Matteo, Bryan, Sephora e Lauren.  Dan ifisser li huma 14-il finalisti tal-edizzjoni ta’ din is-sena ta’ Amici.

I Bianchi e i Blu

Ix-xandiriet li se jsiru minn issa ‘l quddiem se jkunu maqsumin fi tliet fażijiet, l-ewwel se jkun hemm il-ġudizzju tal-għalliema, fit-tieni se jagħżlu n-nies bit-televoting, u fit-tielet fażi se jkun hemm kummissjoni esterna li se tiddeċiedi.  Din tikkonsisti f’Simona Ventura, Giulia Michelini, Heather Parisi, Ermal Meta, Alessandra Amoroso u Marco Bocci.

Emma għaddiet għall-fażi finali ta’ Amici fil-programm li xxandar fl-24 ta’ Marzu.  Ġimgħatejn ilu kienet ikklassifikat l-ewwel meta l-pubbliku ntalab jesprimi l-opinjoni tiegħu u jivvota lil min jixtieq jara fis-serale tal-programm.  Din hija l-ewwel dabra li hemm parteċipanta Maltija f’dan il-programm tant segwit.  L-aħħar fażi ta’ Amici tixxandar mis-Sibt li ġej fid-9.10pm.

Ara wkoll:

ARA: Emma Muscat tgħaddi għall-fażi finali t’Amici

Emma tiġi l-ewwel fil-klassifika ta’ Amici

 

Aħbarijiet Oħra
Lokali

Id-dislessja – kundizzjoni li tfixkel lill-persuna biex titgħallem taqra minhabba li ma tagħrafx uħud mill-ittri u simboli, hi meqjusa bħala ostaklu fil-proċess edukattiv, għalkemm illum hemm mezz ta’ għajnuna biex…

Annimali

Liġi ġdida qed toffri aktar setgħa fil-ħarsien tal-annimali, partikolarment il-klieb li kienu jinżammu marbutin il-ħin kollu b’katina, billi dan il-kunċett issa hu projbit. Madanakollu, id-Direttur għall-Ħarsien tal-Annimali saħaq li l-klieb…

Statistika

Illum huwa l-Jum Ewropew tal-Istatistika, li qed jiġi ċċelebrat għat-tielet darba. Dan il-jum joħroġ aktar fid-deher il-valur tal-istatistika uffiċjali, li f’Malta tinġabar mill-Uffiċċju Nazzjonali tal-Istatistika. Tliet snin bogħod mill-akbar eżerċizzju…

Infrastruttura

Simpożju organizzat minn Wirt Iż-Żejtun iffoka fuq l-iżvilupp matul iż-żminijiet tar-raħal Malti, fost l-oħrajn bis-sehem ta’ professur Ingliż, li rriċerka dwar l-irħula Maltin. Fis-simpozju, il-Ministru għall-Kultura Owen Bonnici ħabbar li…

Aktar