Unjoni Ewropea
ENGAGE – Proġett tal-MEUSAC finanzjat mill-Fond Soċjali Ewropew

Ħafna jafu li l-MEUSAC tgħin lil bosta organizzazzjonijiet sabiex japplikaw għall-fondi Ewropej. Imma mhux biss. Biex issaħħaħ is-servizzi tagħha, li jingħataw bla ħlas, il-MEUSAC kisbet fondi Ewropej għal proġett li bih l-aġenzija tista’ taħdem b’mod aktar effettiv.

Bil-proġett ENGAGE li beda s-sena l-oħra, l-imsieħba soċjali u organizzazzjonijiet mhux governattivi jiġu megħjuna jipparteċipaw b’mod attiv fil-proċess tal-politika u leġiżlazzjoni tal-Unjoni Ewropea. Barra minn hekk, aktar organizzazzjonijiet ikollhom l-għodda neċessarja biex jibbenefikaw aħjar minn fondi Ewropej.

Din is-sena, permezz tal-proġett ENGAGE, il-MEUSAC se tkun qed tħarreġ lil madwar 60  organizzazzjoni dwar kif jifformulaw pożizzjoni dwar proposti ta’ leġiżlazzjoni tal-Unjoni Ewropea, kif jisfruttaw aktar l-opportunitajiet ta’ fondi Ewropej u kif jistgħu jkollhom vuċi aktar b’saħħitha fl-istrutturi tal-konsultazzjoni fi ħdan il-MEUSAC.

Din il-fażi tikkumplimenta żewġ fażijiet oħra ta’ dan il-proġett. Fl-ewwel fażi sar studju dettaljat mal-imsieħba soċjali u l-korpi kostitwiti dwar x’inhuma l-bżonnijiet tagħhom u kif il-MEUSAC jista’ jkollha rwol aktar relevanti biex jissaħħaħ id-djalogu soċjali f’Malta. F’din il-fazi saret ukoll kampanja informattiva dwar il-proċess ta’ konsultazzjoni tal-MEUSAC u biex jikber l-għarfien dwar is-servizzi tal-aġenzija. It-tieni fażi ffukat iktar fuq it-taħriġ lill-impjegati tal-aġenzija biex ikunu aktar effettivi fl-użu tal-mezzi ta’ komunikazzjoni ma’ udjenzi differenti u biex fl-attivitajiet u l-inizjattivi li jsiru jkun hemm parteċipazzjoni aktar attiva.

Dan il-proġett huwa kofinanzjat mill-Fond Soċjali Ewropew 2014-2020. Aktar informazzjoni dwar il-proġett tinsab hawn.

Segwi vidjo fuq id-djalogu soċjali bħala parti mill-kampanja ta’ għarfien dwar il-proġett ENGAGE.

Tagħrif miġbur minn:

Aħbarijiet Oħra
Annimali

Dalgħodu kull min kien qed igawdi ġurnata baħar fl-Għadira ħa sorpriża ħelwa hekk kif niżel jgħum man-nies fjammingu. Skont il-BirdLife, il-fjammingi żgħar, għalkemm ipassu mal-adulti, xi kultant jistpiċċaw jitbegħdu mill-grupp…

Kronaka

€15,400 mhux iddikjarati ġew konfiskati mill-uffiċjali tad-dwana fl-Ajruport ta’ Malta. L-uffiċjali waqqfu passiġġier li kien mistenni jitlaq minn Malta b’ammont ta’ flus mhux iddikjarati. Huwa ikkopera mal-uffiċjali fejn aċċetta li jiġu…

Kronaka

Ingliż ta’ 46 sena qed isofri minn ġrieħi gravi wara li kien involut f’inċident stradali fil-wied tal-Imsida. L-inċident seħħ bejn mutur tat-tip Piaggio Vespa misjuq mill-Ingliż residenti l-Għasri u vettura…

Kronaka

Raġel ta’ 57 sena weġġa’ gravi wara li waqa’ waqt li kien qed jaħdem fil-Mellieħa. L-inċident seħħ għall-ħabta tad-8.40am fi skola primarija fi Triq Qasam Barrani. Il-Pulizija qalet li r-raġel,…

Aktar