Lokali
Erba’ ġuvintur jinqabdu jisirqu l-ħwejjeġ minn ħanut f’Birkirkara

Erba’ ġuvintur Taljani li jinsabu f’Malta fuq vaganza lbieraħ inqabdu mill-Pulizija jisirqu l-ħwejjeġ minn ħanut sportiv f’Birkirkara.

Antonio Montuori, Simone Barbaro u Leonardo Tedesco, kollha ta’ 18-il sena, kif ukoll ġuvni ieħor ta’ 17-il sena, ammettew għal serq aggravat, bil-valur misruq li ma qabiżx €2,300.

Il-Qorti, ippreseduta mill-Maġistrat Natasha Galea Sciberras, semgħet kif il-ħaddiema tal-ħanut innutaw liż-żgħażagħ iġibu ruħhom b’mod suspettuż, u għalhekk ċemplu lill-Pulizija.

Il-Pulizija marru fuq il-post u qabdu liż-żgħażagħ qrib il-ħanut, filwaqt li l-ħwejjeġ misruqa nstabu moħbija f’siġar li hemm fl-akwati.

It-tliet ġuvintur maġġorenni kienu kkundannati 18-il xahar ħabs sospiżi għal 30 xahar, filwaqt li l-ġuvni minorenni nħeles bil-kundizzjoni li ma jwettaqx reat ieħor fi tliet snin.

Aħbarijiet Oħra
Ġurnali

Ħarsa lejn l-istejjer li nsibu fil-faċċati tal-ġurnali tal-lum il-Ħamis 19 ta’ Lulju. In-Nazzjon jirrapporta li nhar it-Tlieta uffiċjal tal-ħabs spiċċat aggredita, imsawta u migrufa minn priġuniera waqt li din tal-aħħar…

Avjazzjoni

Żvelata d-dehra l-ġdida tal-akbar ajruplan li jtajjar il-bandiera Maltija – Airbus A380 – tal-kumpanija HiFly. L-ajruplan li ġie rreġistrat f’Malta dan ix-xahar iġorr qrib il-500 passiġġier, b’faċilitajiet lussużi għal dawk…

Kultura

Tmien disinjaturi tal-moda, seba’ barranin u Malti, se juru l-kollezzjonijiet il-ġodda tal-ħwejjeġ u l-aċċessorji fil-Palazz tal-Verdala bħala parti minn serata b’tiżwiqa ta’ kultura u moda. TVM tkellem ma’ disinjatriċi Taljana,…

Kronaka

Mara ġiet rikoverata wara li kienet riekba fuq mutur li ħabat ma karozza fil-limiti ta’ Ħal Tarxien. L-inċident seħħ għall-ħabta tas-6.00 ta’ filgħaxija fi Triq tal-Barrani. Il-Pulizija qalet li mill-ewwel…

Aktar