Saħħa
Espert qed jevalwa lmenti ta’ Maltin dwar il-mediċina ġenerika għall-ADHD

Id-Deputat Prim Ministru u Ministru tas-Saħħa, Chris Fearne, qal li d-Dipartiment tas-Saħħa ingaġġa espert barranin sabiex jeżamina numru ta’ pazjenti bil-kundizzjoni ADHD, li qed jilmentaw mill-effetti tal-mediċina ġenerika li qed jingħataw minflok il-mediċina oriġinali Concerta.

L-ADHD, Attention Deficit Hyperactivity Disorder hija kundizzjoni li taffettwa l-partijiet tal-moħħ li jikkontrollaw l-attenzjoni, l-imġieba u l-konċentrazzjoni.

L-Assoċjazzjoni Maltija tal-Psikjatrija qalet li l-mediċina ġenerika għall-ADHD qed tħalli effetti fuq it-tfal u l-adulti. Qalet li għalkemm fil-laboratorju l-effett tal-mediċina oriġinali u dik ġenerika jidhru l-istess, fil-prattika jħallu effetti differenti fuq il-pazjenti.

Il-psikjatra tat-tfal Nigel Camilleri qal li l-mediċina ġenerika jew ma kinetx qed tħalli effett fuq it-tfal, jew il-ħin taħt l-effett qed ikun qasir wisq u qed titħarbat ir-rutina tal-irqad tat-tfal.

Id-Deputat Prim Ministru u Ministru ts-Saħħa Chris Fearne ikkonferma li l-Gvern waslulu dawn l-ilmenti.

“Fil-każ tal-Concerta kien hemm dawk ir-rapporti minn xi pazjenti. Filfatt bħala dipartiment aħna ngaġġajna espert barrani biex jagħtina parir fuq dan, li qed jara numru ta’ pazjenti Maltin biex jara eżatt x’inhi l-problema li għandhom huma, għax filfatt f’pajjiżi oħrajn ma kinx hemm l-istess rapporti. Pero aħna se noqgħodu fuq il-pariri li jagħtina dan l-espert, u jekk l-espert jagħtina l-parir li nerġgħu immorru għall-Concerta iridu nagħmlu każ mal-Procurement Authority biex nagħmluh.”

Dr Fearne tkellem ukoll dwar l-isptar Monte Carmeli. Ara hawn:

ARA: Id-Deputat PM iwieġeb dwar il-problemi strutturali f’Monte Carmeli

Aħbarijiet Oħra
Politika

F’kollegament dirett ma’ TVM, fuq il-programm Insights immexxi mill-ġurnalista Norma Saliba, uffiċjal tal-Partit Laburista qal li ħarġu xi riżultati proviżorji mill-ewwel għadd tal-voti. Dr Miriam Dalli għall-Partit Laburista kisbet l-akbar…

Elezzjoni

Mis-sala tal-għadd tal-voti, dawk preżenti jinsabu fil-fażi tal-aġġudikazzjoni tal-vot – fejn il-voti li warrbu l-iscanners iridu jiġu aġġudikati mir-rappreżentanti tal-partiti fejn jieħdu deċiżjoni finali fuqhom. Il-proċess tat-35,00o vot aġġudikati jitlob…

Pulizija

Il-Korp tal-Pulizija qasam xi ritratti fuq il-midja soċjali biex jirringrazzjja lil dawk kollha li ħadmu qatigħ f’dawn l-aħħar tliet ijiem, hekk kif saret l-elezzjoni tal-Parlament Ewropew u l-Kunsilli Lokali 2019….

Aktar