Lokali
Espert tas-siġar jgħid li mhux kull siġra hi addattata għat-toroq Maltin

Waqt li s-siġar huma importanti għall-ambjent u għall-arja nadifa jistgħu jkunu ta’ periklu jekk jitħawlu bla ħsieb. L-espert tas-siġar, Alfred E Baldacchino sostna ma’ TVM li mhux kull siġra, speċjalment il-Fichus u l-Ewkaliptus, huma addatati għat-toroq tagħna.

Għall-espert fl-immaniġġjar u l-ippjanar tas-siġar, Alfred E Baldacchino, il-maġġoranza tas-siġar fit-toroq tagħha mhumiex siġar adattati għas-central strips. Is-sur Baldacchino spjega li ħafna minn dawn is-siġar huma tal-Fichus u Ewkaliptus u kkritika wkoll il-mod ta’ kif qed jinżabru.

Alfred Baldacchino qal li “qatt mhu postha f’center strip dejjaq. L-ewkaliptus tikber għolja u din tinżel ħafna tfittex l-ilma. Wieħed iqis ukoll in-nuqqas ta’ xita li għamlet fl-aħħar sentejn u l-mod kif inżabret u xejn professjonali li biex jgħaddu vetturi u makkinarju, inżabret minn taħt u spiċċat togħla ‘l fuq”.

Mistoqsi x’soluzzjoni jara, s-Sur Baldacchino qal li faċilment tuża arbuxelli lokali.

“Fis-center strip li tkun dejqa m’hemmx għalfejn titħawwal siġra li togħla allura tuża arbuxelli lokali. Dawn jistgħu jinżabbru bħala lqugħ, li waqt li jilqagħlek ir-riħ, u meta tgħaddi karozza ikun hemm l-ilma ma ttajjarx fuq il-lane l-ieħor, għandek il-bright li jilqugħ ukoll” qal is-sur Baldacchino.

B’maltempata qalila bħal dik ta’ ġimgħa ilu, mhux biss jinqalgħu siġar fit-toroq, iżda wkoll siġar li jkunu mħawlin fi proprjetajiet privati. Is-Sur Baldacchino sostna li anke hawnhekk hawn nuqqas ta’ għarfien.

Alfred Baldacchino qal li “il-problema hija nuqqas ta’ tagħrif fuq is-siġar li jiġu magħżula. Jekk se tħawwal siġra f’parapett ma tħawwilx waħda li l-għeruq jinfirxu bħal fikus. Imma tagħżel siġra li l-għeruq taghħha ma jagħmlux ħsara lid-dar.”

Fid-dawl tal-inċident fatali tal-ġimgħa l-oħra, li fih sfortunatament missier Rumen miet wara li l-karozza li kien qed isuq spiċċat mgħaffġa minn sigra, is-Sur Baldacchino qal li jiddispjaċih jisma’ li issa li ġrat traġedja, se jittieħdu passi fuq is-siġar li hemm fi Triq Notabile fl-Imrieħel.

Aħbarijiet Oħra
Lokali

Hands On, kumpanija Maltija li tispeċjalizza f’teknoloġiji ta’ tracking għall-vetturi, ser titrasforma l-fabbrika tagħha fil-Mosta TechnoPark biex tirriċerka dwar trasport alternattiv, inkluż vetturi li jinstaqu waħidhom. Il-Kap Eżekuttiv ta’ Hands…

Lokali

45 familja li jgħixu fil-housing estates f’Ta’ Pennellu l-Mellieħa se jgawdu minn xogħlijiet ta’ rinovar u ta’ tisbiħ li jammontaw għal €400,000. Waqt konferenza tal-aħbarijiet li fiha żar ix-xogħol li għaddej,…

Partit Nazzjonalista

Il-Partit Nazzjonalista permess tal-kandidati għall-elezzjonijiet Ewropej Franciz Zammit Dimech u Roselyn Borg Knight qalu li l-Partit Nazzjonalista qed iwiegħed investiment fir-riċerka għal mediċini innovattivi li jsaħħu l-ġlieda kontra l-kanċer. Huma…

Qorti

L-Imħallef irtirat, Michael Mallia, li qed jeżamina l-aħħar messaġġi li kienet irċeviet Daphne Caruana Galizia, se jkun jista’ jeżamina wkoll il-laptop ta’ Caruana Galizia għal theddid li setgħet irċeviet. Dan…

Aktar