Barranin
Evakwata ż-żona fejn qed jinħadem il-film li qed tieħu sehem fih Angelina Jolie

Skont diversi raporti, Angelina Jolie u membri oħra tal-film The Eternals kellhom ġurnata mhux tas-soltu meta ntalbu ma jmorrux fuq is-set minħabba biża’ li seta’ kien hemm bomba fuq is-set.

Diversi rapporti qalu li l-produzzjoni ta’ Marvel kellha tieqaf għal xi ħin meta membri tal-krew sabu oġġett mhux identifikat. L-oġġett instab f’post fejn kien se jsir l-iffilmjar, f’Canary Island,  Fuerteventura.

Fejn qed issir l-iffilmjar kien użat bħala bażi militari Ġermaniża waqt it-Tieni Gwerra Dinjija u jidher li din il-bomba, li baqgħet qatt ma ħadet, tmur lura għal dan iż-żmien. Wara li tneħħa kull periklu, bħala miżura ta’ sigurtà, iż-żona ġiet spezzjonata u wara li kienu ċerti li m’hemmx periklu l-produzzjoni kompliet.

Dak il-ħin li nstab l-oġġett ma kien hemm ħadd mill-kast iżda kien hemm xi membri tal-krew.