Barranin
Evidenza ġdida li pilloli tal-epilessija kkawżaw difetti f’eluf ta’ trabi

Studju preliminari fi Franza kkonkluda li mediċina li ngħatat lil nisa tqal għall-kundizzjoni tal-epilessija u d-diżordni tal-bipolar kkawżat “difetti serji” f’aktar minn 4,100 tarbija.

L-istudju sab li ommijiet li ngħataw il-mediċina bl-isem ta’ valproate kellhom erba’ darbiet aktar ċans li jwelldu tarbija b’difett. Din il-mediċina li hija preskritta b’mod wiesgħa ħafna madwar id-dinja, daħlet fi Franza fl-1967.

It-tobba fi Franza qed jingħataw il-parir biex ma jagħtux din il-mediċina lil bniet, nisa li jista’ jkollhom it-tfal u nisa tqal.
Sanofi, il-kumpanija li timmanifattura din il-mediċina qalet fi stqarrija li hija kienet “għalkollox trasparenti mal-awtoritajiet tas-saħħa”.

Uħud minn dawk milquta qalu li l-awtoritajiet Franċiżi u l-kumpanija damu ħafna biex iwissu dwar is-‘side-effects’.
Skont ir-rapport il-ġdid (fi Franza) mill-Aġenzija Nazzjonali Franċiża għas-Sigurtà tal-Mediċini (ANSM), bejn 2,150 u 4,100 tifel u tifla kellhom difett serju kawża ta’ din il-mediċina.

L-istudju kkonferma li din il-mediċina tista’ tikkawża difetti serji fit-twelid, qal Mahmoud Zureik, id-direttur xjentifiku ta’ ANSM u l-ko-awtur tar-rapport lill-aġenzija tal-aħbarijiet AFP. Huwa qal li ċ-ċifra ta’ madwar 3,000 difett serju hija għolja ħafna.

It-tipi ta’ difetti fit-twelid kienu jinkludu spina bifida.

Intant għadd ta’ familji ta’ tfal li twieldu b’difett fi twelid lil nisa li ħadu din il-mediċina fit-tqala, ingħaqdu taħt kappa waħda magħrufa bħala APESAC u qegħdin ifittxu lill-kumpanija għad-danni. Huma qed isostnu li l-kumpanija ma wissiethomx biżżejjed dwar ir-riskji marbuta magħha.

Aħbarijiet Oħra
Barranin

Il-Pulizija Brażiljana arrestat madwar 108 persuna li huma suspettati b’involviment fil-pedofelija. F’operazzjoni madwar il-pajjiż, il-pulizija Brażiljana rnexxielha tkisser ċirku ta’ pedofelija li kien mifrux f’diversi stati. F’din l-operazzjoni kienu involuti…

Barranin

Il-kabinett Spanjol mistenni japprova miżuri li jippermettu lill-Gvern sabiex imexxi hu r-reġjun ta’ Katalunja. Il-Prim Ministru Mariano Rajoy se jlaqqa’ l-kabinett tliet ġimgħat wara li fir-reġjun sar referendum għall-indipendenza. Il-Gvern…

Barranin

Fl-2015, disa’ miljun persuna madwar id-dinja mietu kawża ta’ tniġġiż fl-arja. Dan ġie żvelat mill-ġurnal internazzjonali The Lancet, li jgħid li l-maġġoranza tal-imwiet seħħew l-iktar f’pajjiżi fqar jew f’pajjiżi fejn…

Barranin

Ġurnata qabel jagħlaq l-ultimatum biex ir-reġjun Katalan fi Spanja jiċċara l-pożizzjoni tiegħu dwar l-indipendenza, id-Deputat Prim Ministru Spanjola Soraya Saenz de Santamaria tat twissija lill-Mexxej tal-Katalunja Carles Puigdemont biex iwaqqaf…

Aktar