Lokali
Fabbrika ser tittrasforma f’ċentru ta’ eċċellenza biex tibni d-drones għat-trasport

Hands On, kumpanija Maltija li tispeċjalizza f’teknoloġiji ta’ tracking għall-vetturi, ser titrasforma l-fabbrika tagħha fil-Mosta TechnoPark biex tirriċerka dwar trasport alternattiv, inkluż vetturi li jinstaqu waħidhom.

Il-Kap Eżekuttiv ta’ Hands On, Geoffrey Farrugia qal li b’investiment ta’ tliet miljun ewro, il-kumpanija ser tibni helipad biex tibda timmanifattura drones bħala mezz ta’ trasport.

Geoffrey Farrugi qal “aħna li għandna dal-post fejn nistgħu nimirħu u niżviluppaw ħsibna li jkollna helipad biex meta jiġi t-testing u l-iżvilupp fuq drone technology fuq trasport bid-drone aħna jkollna l-ispazju u l-għodod neċessarji biex inkunu nistgħu nittestjaw.”

Is-Sur Farrugia spjega lill-Ministru Chris Cardona u s-Segretarju Parlamentari Silvio Schembri li fl-aħħar tliet snin il-kumpanija kellha tkabbir ta’ 57%.

Is-Sur Farrugia qal li l-kumpanija fost oħrajn ħadmet fuq iċ-ċipep li ser jitwaħħlu mal-basktijiet tal-iskola biex il-ġenituri jkunu mgħarrfin dwar meta wliedhom jitilgħu u jinżlu mill-vetturi tat-trasport tal-iskejjel. Żied jgħid li l-kumpanija topera f’għaxar pajjiżi fosthom fl-Amerka t’Isfel, fl-Italja u l-Ghana.

Il-Ministru Cardona qal li l-Gvern impenjat li jappoġġja kumpaniji innovattivi biex jimirħu fit-teknoloġiji l-ġodda. Dr Cardona qal li dan iwassal għal postijiet ġodda tax-xogħol. Huwa qal li l-viżjoni tal-Gvern hija li jagħmel lil Maltin fost l-aqwa fid-dinja diġitali.

Aħbarijiet Oħra
Stejjer Umani

F’aktar minn ħamsin sena, l-Għaqda Alkoħoliċi Anonimi għenet mijiet ta’ persuni bi problema ta’ xorb żejjed, u ħafna drabi anke lill-qraba tagħhom permezz tal-AL-ANON. TVM tkellem ma’ raġel li 27…

Infrastruttura

Għaddejin l-aħħar tħejjijiet għat-tlestija ta’ Triq Ħal Luqa, li hija l-arterja ewlenija bejn Santa Luċija u Ħal Luqa. Bejn it-Tlieta filgħodu u l-Erbgħa waranofsinhar, it-triq se tingħalaq f’direzzjoni waħda sakemm…

Trasport

Matul l-aħħar snin, Transport Malta flimkien mal-Ministeru tat-Trasport nedew diversi skemi fuq ix-xiri ta’ mezzi tat-trasport biex jonqos it-tniġġis tal-arja. Tnejn mill-iskemi li qed jagħtu riżultati huma għax-xiri tal-karozzi elettriċi…

Aktar