Kurżitajiet
Facebook jikxef x’tip ta’ persuna int

Dawk in-nies li moħħhom li jżidu ħafna ħbieb fuq Facebook aktarx huma dawk li jiġu deskritti bħala nies materjalisti.

Studju ġdid jgħid li dawk in-nies materjalisti jaraw il-ħbieb fuq Facebook bħala oġġetti diġitali u għalhekk iqattgħu ħafna ħin fuq Facebook iżidu l-ħbieb biex dejjem ikollhom aktar. Filwaqt li dawk li f’ħajjithom ma jagħtux kas li jsorru ħafna affarijiet, ma jagħtux kas kemm għandhom ħbieb fuq Facebook u ma jżidux nies li lanqas biss ikunu jafuhom minn Adam.

L-istudju juri wkoll li l-kilba ta’ dawn in-nies materjalisti twassalhom biex joqogħdu jqabblu l-ammont ta’ kemm għandhom ħbieb ma’ ħaddieħor.

L-awtur tal-istudju Phillip Ozimek jinnota li l-Facebook huwa l-pjattaforma perfetta biex wieħed joqgħod iqabbel ma’ ħaddieħor, hekk kif il-Facebook fih ħafna informazzjoni fuq in-nies. Jgħid li dawk in-nies materjalisti jħobbu li jkollhom ħafna affarijiet b’mod partikolari jekk jiġu b’xejn, ħaġa li l-Facebook joffriha – ħafna informazzjoni mingħajr ħlas.

Ir-riċerkaturi għamlu kwestjonarju onlajn fost 242 utent tal-Facebook. Mir-riċerka tagħhom sabu li hemm rabta kbira bejn il-matejaliżmu u l-attività intensa fuq il-Facebook. Wara dan il-kwestjonarju saret riċerka oħra fost 289 utent tal-Facebook. Minn din ir-riċerka ħareġ l-istess riżultat.

Aħbarijiet Oħra
Ikel

Restaurant fil-Ġermanja pprojbixxa li jidħlu tfal taħt l-14-il sena wara l-5pm biex l-adulti jieklu fil-paċi. Oma’s Küche, li tfisser il-kċina tan-nanna, ħa din id-deċiżjoni biex il-klijenti li jmorru jieklu, iqattgħu…

Barranin

Id-dilettanti tal-festa ta’ Santa Marija f’Fontanarosa, fl-Italja, spiċċaw bid-dmugħ f’għajnejhom wara li waqa’ u nqasam it-torri tradizzjonali ta’ din iċ-ċelebrazzjoni. Fil-filmat jidhru d-dilettanti tal-festa lejliet Santa Marija, qed jiġbdu t-torri…

Kurżitajiet

F’Madagaskar, il-vanilla saret tiswa aktar mid-deheb. Il-bdiewa li jkabbruha f’Madagaskar, spiċċaw jarmaw ruħhom sa snienhom biex jgħassu l-fulu tant prezzjuż tal-vanilla. Kilo vanilla jiswa bejn il-$400-$500 – somma kbira għal…

Kurżitajiet

Tifla ta’ 3 snin fir-Renju Unit qed tkun meqjusa intelliġenti iktar minn Einstein, hekk kif għandha IQ ta’ 171. Ix-xjentist Albert Einstein kellu IQ ta’ 160, filwaqt li l-IQ medju tan-nies…

Aktar