Teknoloġija
Facebook u Instagram mhuma jaħdmu imkien fid-dinja

Is-siti soċjali Facebook u Instagram imkien mhuma jaħdmu bħalissa.  Bosta jinsabu rrabbjati li ma jistgħux jużaw dawn iż-żewġ siti soċjali u qed ikollhom jirrikorru għat-Twitter minflok.

Iż-żewġ siti qed juru messaġġi li bħalissa għandhom xi ħsara, b’mod partikolari meta tipprova tikteb jew tixxerja xi ħaġa.  Infatti, fuq l-iscreen qed jidher dan il-messaġġ: “Oops… Something went wrong. We’re working on getting it fixed as soon as we can.”

Mhux ċar għaliex qed tiżviluppa din il-problema u kemm se nibqgħu ma nistgħux nużaw il-Facebook u l-Instagram.  Uħud qed jissuspettaw li l-kawża tista’ tkun ta’ hacking.

Facebook bħalissa għandha 2 biljun persuna li jużawh kull xahar madwar id-dinja kollha.  Il-kumpanija ta’ Mark Zuckerberg hija l-propjetarja ta’ Instagram, li wkoll għandha 2 biljuni jużawha fix-xahar.

Għalkemm WhatsApp hija kumpanija oħra li taqa’ taħt l-istess sidien, madanakollu ma jidhirx li qed ikun hemm xi problemi biex tintuża u għadha qed taħdem.

Aħbarijiet Oħra
Storja

Magna ta’ ajruplan tal-gwerra, li possibilment iġġarraf fit-Tieni Gwerra Dinija, kienet irkurprata minn qiegħ il-baħar fil-bokka tal-Port il-Kbir wara ħidma konġunta bejn l-Università ta’ Malta, Heritage Malta u l-Forzi Armati….

Teknoloġija

Wara l-ajruplani, issa anke l-vetturi bdew jiġu jiġu mgħammra b’kaxxa sewda, li normalment tkun f’nofs il-vettura. Għalkemm s’issa din mhijiex obbligatorja, aktar manifatturi tal-karozzi qed jinkluduha. Fost aktar miżuri biex…

Infrastruttura

Waħda mill-kawżi ewlenin ta’ ħruġ ta’ drenaġġ fit-triq u fil-baħar ġejja minn katusi tal-ilma tax-xita li qed jitqabbdu direttament mas-sistema tad-drenaġġ. Jirriżulta li ħafna ma jafux li dan hu l-każ…

NGOs

Seba’ għaqdiet mhux governattivi Maltin se jwettqu tmien proġetti fl-Afrika bl-għajnuna ta’ madwar nofs miljun ewro mill-programm tal-għajnuna għall-iżvilupp tal-Ministeru tal-Affarijiet Barranin. Il-proġetti jvarjaw minn skola ġdida għall-bniet f’żona rurali…

Aktar