Barranin
F’Alabama: Dawk li jistupraw lit-tfal se ssirilhom kastrazzjoni kimika

Permezz ta’ liġi ġdida li għaddiet fl-istat Amerikan ta’ Alabama, persuni li jinstabu ħatja ta’ abbuż sesswali fuq tfal taħt 13-il sena se tibda ssirilhom kastrazzjoni kimika.

It-trattament tal-kastrazzjoni jibda xahar qabel ma jinħarġu mill-ħabs bil-parole, u jsir bi spejjeż tagħhom. Dan it-trattament jikkonsisti f’injezzjonijiet jew pirmli li jneħħu l-aptit sesswali u jagħmluha impossibbli li jitwettaq l-att sesswali.

It-trattament jista’ jitwaqqaf biss meta l-Qorti tevalwa lill-ħati u tiddeċiedi li m’għadx hemm bżonnu. Jekk wieħed iwaqqaf it-trattament minn rajh jitqies li kiser il-kundizzjonijiet tal-parole u jerġa’ jintbagħat il-ħabs.

Meta t-trattament jitwaqqaf, il-persuna tista’ terġa’ tiġi lura għan-normal.

Il-kastrazzjoni kimika sfurzata hija prattika kontroversjali, fejn uħud jemmnu li tikser id-drittijiet fundamentali tal-bniedem.

Aħbarijiet Oħra
Barranin

L-awtoritajiet Amerikani approvaw sanzjonijiet ġodda kontra ċ-Ċina minħabba liġi ġdida ta’ ndħil dwar is-sigurtà f’Hong Kong. Din il-liġi kienet ikkundannata mill-komunità internazzjonali. Il-miżuri tal-Gvern Amerikan li għaddew bi qbil assolut…

Barranin

Il-pulizija f’Hong Kong għamlet l-ewwel arresti taħt il-liġi l-ġdida imposta minn Beijing kontra l-protesti. Dan hekk kif għadd kbir ta’ nies fakkru it-23 sena mit-tmiem tat-tmexxija Ingliża. Aktar minn 300…

Barranin

Raġel fl-Istati Uniti spara fuq mara li ħaditlu bandiera tan-Nażi li kellu mwaħħla quddiem daru f’Oklahoma. L-uffiċċju tax-Sheriff ta’ Garfield County qal li l-mara kienet qegħda f’festin fil-viċin, meta f’ħin…

COVID-19

Puplesija, delirju, ansjetà, konfużjoni, għejja, u l-lista tkompli. Il-Covid-19 mhix biss marda respiratorja! Ma kull ġimgħa li tgħaddi, qed joħroġ aktar ċar kemm il-coronavirus jista’ jwassal għal problemi newroloġiċi. Il-maġġoranza…

Aktar