Barranin
F’Alabama ma jistax isir l-abort

F’Alabama għaddiet liġi li permezz tagħha ma jistax isir iktar l-abort.  Din il-liġi qed titqies bħala l-iktar waħda stretta fl-Istati Uniti.

Is-Senat tal-Istat approva din il-liġi b’25 vot favur u 6 kontra.  Il-liġi li rrifjutat eċċezzjonijiet għall-każi ta’ stupru jew inċest, issa se tgħaddi għand il-Gvernatur Repubblikana Kay Ivey li ma qalitx jekk hix se tiffirmaha jew le.

L-attivisti qed jittamaw li l-liġi se tbiddel deċiżjoni tal-Qorti Suprema tal-1973 li kienet tillegalizza l-abort fl-Istati Uniti.  Il-liġi għaddiet ukoll iktar kmieni dan ix-xahar mill-Kamra tar-Rappreżentanti ta’ Alabama b’74 vot favur u 3 kontra.

L-abort se jkun qed jitħalla jsir f’ċerti ċirkustanzi biss f’każ li tkun trid tiġi salvagwardjata s-saħħa tal-omm.

L-Organizzazzjoni Nazzjonali tan-Nisa qalet li din il-projbizzjoni tmur kontra l-kostituzzjoni u hija mossa biex tivvantaġġja lill-kandidati għall-elezzjonijiet li jmiss li huma kontra l-abort.

Aħbarijiet Oħra
Barranin

Il-kumpanija li qed tipproduċi l-ajruplani Boeing, qed taffaċċja problemi ġodda relatati mal-ajruplan kontroversjali 737 Max. Dan hekk kif instabu frak u fdalijiet fit-tankijiet tal-fjuwil ta’ uħud mill-ajruplani li qed jistennew…

Barranin

L-Unjoni Ewropea ddikjarat lill-Panama, is-Seychelles, Cayman Islands u Palau bħala tax havens u poġġiethom fil-lista s-sewda. Il-Viċi President tal-Kummissjoni Ewropea, Valdis Dombrovskis, qal li dawn il-ġurisdizzjonijiet qed itappnu r-reputazzjoni tagħhom…

Barranin

Fir-Renju Unit, mara ta’ 55 sena tilfet ħajjitha wara li nġarret mill-kurrent tal-ilma kawża tax-xita qawwija minħabba l-maltempata Dennis. Ix-xita qawwija wasslet biex mijiet ta’ djar għerqu bl-għargħar. Minħabba x-xita…

Barranin

Uffiċjali tas-saħħa Ċiniżi ppubblikaw id-dettalji preliminari tal-iżjed studju estensiv dwar il-coronavirus li stħarreġ iżjed minn sebgħin elf każ tal-virus. Informazzjoni miċ-ċentru Ċiniż għall-kontroll tal-mard u l-prevenzjoni, ic-CCDC sab li iżjed…

Aktar