Lokali
F’April se jiftaħ l-istaġun għall-kaċċa tar-rebbiegħa

Il-Gvern se japplika deroga u jiftaħ l-istaġun għall-kaċċa għas-summiena fir-rebbiegħa, iżda għal darb’oħra ma tistax issir kaċċa għall-gamiema kif xtaqet il-Federazzjoni Kaccaturi Nassaba Konservazzjonisti.

Il-Gvern qal li wara li evalwa r-rakkomandazzjonijiet tal-kumitat ORNIS, se jinfetaħ l-istaġun għall-kaċċa tas-summiena bejn l-10 u t-30 ta’ April. Il-kaċċaturi jistgħu jaqbdu sa 5,000 summiena bejniethom, iżda mhux se jkun hemm il-kwota individwali tal-ġurnata u l-kwota individwali tal-istaġun.

L-ORNIS ma laqax it-talba tal-FKNK sabiex jinfetaħ ukoll l-istaġun għall-kaċċa tal-gamiem. Il-kaċċa għall-gamiema twaqqfet fl-aħħar sentejn minħabba li fl-Ewropa naqset il-popolazzjoni ta’ din it-tajra u ġiet ikklassifikata li qiegħda fi stat ta’ konservazzjoni vulnerabbli.

L-FKNK qalet li r-rappreżentant tagħha biss fil-kumitat Ornis ivvuta favur il-kaċċa tal-gamiema, bir-rappreżentanti tal-BirdLife u tal-ERA ivvutaw kontra, waqt li t-tliet membri nominati mill-Gvern u ċ-Ċermen jastjenew. Żiedet tgħid li fuq talba tagħha, l-ORNIS irrakkomanda lill-Gvern sabiex jibda diskussjonijiet mal-Kummissjoni Ewropea sabiex tinstab soluzzjoni sostenibbli għad-deroga tal-kaċċa tal-gamiema fir-rebbiegħa.

Il-Birdlife li kienet uriet tħassib li fi klima elettorati, il-Gvern jista’ jbaxxi rasu għat-talba tal-FKNK, uriet sodisfazzjon li l-kumitat ORNIS fehem l-importanza li jipproteġi lill-gamiema. Uriet tħassib iżda bl-istaġun tal-kaċċa sat-30 ta’ April, se jkunu jistgħu jiġu kkaċċjati għasafar protetti li jpassu f’daż-żmien.

Aħbarijiet Oħra
Infrastruttura

Bdiet tieħu l-forma triq ġdida, li skont il-pjani ta’ Infrastructure Malta, sa erba’ xhur oħra se tkun tista’ tibda tintuża mill-eluf ta’ vetturi li mill-Imrieħel jitilgħu ‘l fuq, lejn ir-Rabat…

Safar

Wara li tard ilbieraħ il-Ministru għat-Turiżmu Julia Farrugia Portelli ħabbret li l-Maltin se jkunu jistgħu jżuru 19-il pajjiż meta l-ajruport jerġa’ jibda jopera titjiriet normali mill-1 ta’ Lulju, illum il-Prim…

COVID-19

Is-Supretendent tas-Saħħa Pubblika, Charmaine Gauci, qalet li s-sitwazzjoni tal-Covid-19 kienet ikkontrollata f’Malta, fejn għalkemm ħafna nies inżammu d-dar iżda tpoġġew fi kwarantina. Semmiet il-fatt li l-RT erġajna niżżilniha, u din…

COVID-19

Id-Deputat Prim Ministru u Ministru għas-Saħħa Chris Fearne qal li l-pajjiż rebaħ il-gwerra kontra l-Covid-19. F’konferenza tal-aħbarijiet Dr Fearne qal li ma jfissirx li għax pajjiżi oħra għadhom fil-gwerra, Malta…

Aktar