Barranin
Farage jgħid li forsi għandu jsir referendum ieħor dwar Brexit

Nigel Farage, il-politiku ewlieni li mexxa l-kampanja għall-ħruġ tar-Renju Unit mill-Unjoni Ewropea, qal li forsi għandu jsir referendum ieħor dwar din il-kwistjoni.

Farage kien qed jitkellem fuq l-istazzjon Ingliż Channel 5 waqt il-programm The Wright Stuff. Huwa qal li qed jibdel fehmtu, u li forsi għandu jsir referendum ieħor dwar Brexit.

Qal li jinsab konvint li bit-tieni referendum, dawk li jivvutaw favur Brexit jiżdiedu. Għalhekk, fil-fehma tiegħu, dan ikun jista’ “jwaqqf il-qrid” u joqtol id-diskussjoni dwar jekk il-poplu Ingliż għadux konvint li jrid joħroġ mill-UE.