Lokali
F’Birkirkara: Waddbulha l-qattusa għal isfel għax qabżet għal għandhom

Mara b’qalbha maqsuma qasmet l-istorja tagħha ma’ TVM fejn qaltlilna li dalogħdu sabet il-qattusa tagħha bla-ħajja.

Il-mara, li tgħix f’penthouse, qalet li l-qattusa tagħha Peggy Sue, sabitha bla ħajja quddiem il-garage imxarrba għasra, bi ksur f’saqajha fost ġrieħi oħra.

Hija qed tallega li l-qattusa tagħha qabżet għand ta’ maġenbha li qabdu u waddbuha għal isfel.

Il-mara rrappurtat il-każ ta’ moħqrija lill-Pulizija iżda mingħajr evidenza ftit li xejn jistgħu jgħinuha.

Peggy Sue kellha madwar 9 snin u kienet ġiet addottatha mis-santwarju Tomasina.

Il-mara mbikkma appellat biex nuru aktar ħniena mal-annimali li ma jaħtu xejn.