Kurżitajiet
Fejn qed jinbiegħu djar b’€1 biss? Titħajjar?

Jekk tixtieq dar għall-villaġġjatura, b’veduti tal-kampanja u l-baħar, m’hemmx għalfejn tmur ‘l bogħod ħafna minn Malta.

Il-belt ta’ Sambuca fi Sqallija qed toffri din l-opportunità unika f’tentattiv biex tagħti l-ħajja lil dan il-post li maż-żmien tilef lir-residenti għal bliet ikbar fl-Italja.  Din mhix l-ewwel belt li qed tħajjar lill-barranin imorru joqogħdu fiha biex tiżdied il-popolazzjoni, iżda l-mod kif qed tattira lin-nies lejha huwa pjuttost uniku.

Skond il-Viċi Sindku ta’ Sambuca Giuseppe Cacioppo, il-Kunsill Lokali qed ibiegħ id-djar kollha għall-prezz ta’ €1 u dan isir mingħajr telf ta’ ħin jew burokrazija.  Meta jsir il-bejgħ tad-dar, is-sidien il-ġodda qed jintrabtu li jirranġaw id-dar fi żmien tliet snin għall-prezz ta’ madwar €15,000, filwaqt li jridu wkoll iħallu depożitu ta’ €5,000 ladarba d-dar tiġi rranġata u abitabbli.

Sambuca hija magħrufa bħala l-Belt tas-Sbuħija.  Tinsab f’riserva naturali u mogħnija bl-istorja.  Imdawra bil-bajjiet, il-boskijiet u l-muntanji.  Hemm it-trankwillità u l-paċi u hija ideali fejn tirtira għal ftit jiem mill-ħajja mgħaġġla ta’ kuljum.

Il-Kunsill qed jibża’ li jekk il-popolazzjoni tkompli titnaqqar, il-belt se tiġġarraf u jintilef il-patrimonju Għarbi tagħha.  Imwaqqfa mill-Griegi, Sambuca kienet inħakmet mis-Saraċini li biddluha f’ċentru għall-kummerċ.  Meta jkun bnazzi, wieħed jista’ jilmaħ il-vulkan Etna, kif ukoll il-gżira ta’ Pantellerija.

Il-kultivazzjoni tal-għenba Nero d’Avola hija vasta fl-inħawi ta’ din il-belt, filwaqt li riċentament bdew ukoll jitkabbru l-Merlot, Syrah u Chardonnay biex jingħasru fl-iprem inbejjed u jiġu esportati madwar id-dinja.  Hija wkoll il-belt tal-ikel bi storja għall-produzzjoni tal-qamħ u prodotti li jsiru minnu, bħall-ħobż u l-għaġin.

Sambuca ġiet innominata bħala waħda mill-isbaħ bliet fl-Italja fl-2016 u hemm ippjanat li tkompli tiftaħ għat-turiżmu u l-kummerċ b’lukandi biex jgħinu lir-residenti ġodda jduqu ftit mis-sbuħija tagħha.

Aħbarijiet Oħra
Barranin

Għall-ewwel darba minn meta faqqgħet il-pandemija, il-President Amerikan Donald Trump libes il-maskra fil-pubbliku. Huwa għamel dan meta żar l-isptar militari Walter Reed lil hinn minn Washington fejn iltaqa’ ma’ suldati…

Barranin

Ħames persuni inqatlu f’attakk fi knisja fl-Afrika ta’ Isfel, li x’aktarx seħħ waqt argument dwar it-tmexxija tagħha. Il-pulizija qalu li salvaw irġiel, nisa u tfal minn sitwazzjoni ta’ ostaġġ fil-periferija…

Xogħol

Mal-bidu tas-sajf, l-aktar meta t-temperaturi jibdew jaqbżu t-30 grad celsius, tiżdied id-domanda għas-sistemi tal-arja kkundizzjonata. L-assoċjazzjoni tal-importaturi tas-sistemi tal-arja kkundizzjonata ffurmata minn disa’ importaturi qed isib diffikultà biex issib ħaddiema…

Annimali

Waħda miż-żewġ ċifiet li ġimagħtejn ilu ġew salvati wara li tgħaqqdu fi xlief mormi fil-baħar, inħelset lura fl-ambjent naturali tagħha. Birdlife Malta qalet li għalkemm kienu fortunati li ż-żewġ ċifiet…

Aktar