Lokali
Festival internazzjonali ta’ mużika klassika f’Malta

Varjetà ta’ mużika klassika mifruxa fuq ġimagħtejn imżewqa b’kompetizzjonijiet u workshops. Dan huwa l-qofol ta’ edizzjoni oħra tal-festival internazzjonali tal-mużika li se jsir  f’Malta x-xahar id-dieħel.

Il-festival internazzjonali tal-Mużika se jsir bejn il-15 t’April u l-1 ta’ Mejju u se jkun mifrux bejn is-sala Robert Sammut fil-Furjana, Pjazza San Ġorġ u bl-iktar kunċerti importanti jsiru f’Dar il-Mediterran għall-Konferenzi. Il-festival ġie varat f’Moska, biċ-Chairman ta’ Valletta 18, Jason Micallef jgħid li dan se jimmarka d-dimenzjoni Ewropea u internazzjonali tal-programm għall-Valletta 18 u jifrex il-viżibbiltà ta’ dak li qed jiġri f’Malta lil hinn minn xtutna.

Jason Micallef qal li ”għidna mill-bidu nett li Valletta 18 ma tfissirx li naħdmu insularment, naħdmu lokalment, imma kien kruċjali li niftħu kemm jista’ jkun dak kollu li għaddej fil-Belt b’mod speċjali din is-sena għax nemmen li l-ikbar suċċess tal-2018 m’huwiex fis-sena nfisha imma x’jiġri wara, il-legat”.

L-Orkestra Filarmonika ta’ Malta, u s-solisti tagħha se jieħdu sehem f’dan il-festival flimkien mal-orkestra sinfonika tal-Armenja u artisti barranin ta’ fama internazzjonali. Iċ-Chairman Eżekuttiv tal-Orkestra Sigmund Mifsud qal li l-investiment f’dan il-festival huwa bla paragun ħdejn festivals oħra li jsiru f’Malta.

Sigmund Mifsud qal li ”qed jagħti identità differenti lill-pajjiżna f’dak li jirrigwarda l-mużika klassika. B’festival bħal dan tikber mhux biss l-identità tal-orkestra tagħna, iżda anke l-motivazzjoni tal-mużiċisti u jikber anke l-livell tagħha.”

Il-festival internazzjonali tal-Mużika se jinkludi xejn inqas minn 16-il kunċert ta’ mużika klassika, workshops u kompetizzjoni għall-pjanisti.

Aħbarijiet Oħra
Lokali

Il-Ministru għall-familja Michael Falzon dalgħodu ta lill-Fondazzjoni Sebħ, €2.5 miljuni fuq medda ta’ tliet snin għal erbat’ idjar li jagħtu residenza lil tfal li ma jistgħux jgħixu mal-familji naturali tagħhom….

Qorti

Seba’ snin wara li  pazjent fl-Isptar Karin Grech faga mejjet waqt li kien qed jiekol tiġieġa ntemmu l-proċeduri kriminali kontra tliet membri tal-istaff tal-infermiera. L-infermiera Maria Bondin ta’ 61 sena…

Qorti

Raġel ta’ 42 sena miż-Żebbuġ, Għawdex inżamm arrestat wara li tressaq fil-Qorti t’Għawdex, quddiem il-Maġistrat Joanne Vella Cuschieri akkużat bi traffikar tad-droga kokaina kif ukoll bil-pussess ta’ droga kokaina u…

Lokali

Bħalissa, il-Prim Ministru Joseph Muscat qed jindirizza konferenza tal-aħbarijiet dwar Brexit. Matulha Dr Muscat ħabbar it-tħejjijiet li qed tagħmel Malta f’każ li r-Renju Unit joħroġ mill-Unjoni Ewropea mingħajr ftehim u…

Aktar