Għawdex
Festival ta’ arti fiċ-Ċittadella

Bejn Awwissu u Settembru ta’ din is-sena se jittella’ ċ-Ċittadella Arts Festival f’Għawdex. Dan il-festival qed jiġi organizzat minn DCapitals Big Band bil-kollaborazzjoni tal-Ministeru għal Għawdex u ta’ Malta Arts Council (Gozo Cultural Support Programme) kif ukoll ta’ Heritage Malta.

Il-Ministru għal Għawdex Justyne Caruana qalet li f’Għawdex hemm talent li jrid jiġi sostnut u kien għalhekk li matul din il-ġimgħa tqassmu madwar €160,000 f’fondi u li ammont sostanzjali ngħata lill-organizzazzjonijiet jew lill-għaqdiet li jorganizzaw attivitajiet kulturali. Il-Ministru għal Għawdex tenniet li dawn l-attivitajiet qed jagħtu kontribut lill-gżira Għawdxija fuq diversi fronti u mhux b’inqas dak ekonomiku u turistiku. 

Id-Direttur Artistiku tal-festival George Apap spjega li dan il-festival hu mingħajr l-ebda dubju l-akbar proġett li daħlet għalih D Capitals fil-ħames snin li ilha mwaqqfa. L-idea li jittella’ dan il-festival nibtet wara li f’Settembru 2016 il-band kienet mistiedna ttella’ kunċert fl-okkażjoni tal-inawgurazzjoni wara x-xogħlijiet ta’ restawr li saru fiċ-Ċittadella. Minn dakinhar il-band baqgħet iżżomm l-appuntament tagħha billi kull sajf ittella’ kunċert kbir bis-sehem ta’ kantanti lokali u barranin.

Għall-programm uffiċjali u għal aktar dettalji wieħed jista’ jżur il-paġna uffiċjali ta’ Facebook: www.facebook.com/cittadellaartsfestival jew jibgħat email fuq [email protected].

Aħbarijiet Oħra
Elezzjoni

Il-Prim Ministru u l-Mexxej tal-Partit Laburista, Joseph Muscat qal li hu l-iktar prim ministru li reħa poteri minn idejh. Dr Muscat qal li l-prim ministri kollha ta’ qablu kellhom aktar…

Politika

L-aħħar dwell politiku bejn iż-żewġ mexxejja politiċi ewlenin f’dibattitu televiżiv kien mill-aktar ċivili bil-Prim Ministru Joseph Muscat u l-Kap tal-Oppożizzjoni Adrian Delia jesponu l-argumenti tagħhom li jirribattu b’korteżija l-argumenti ta’…

Elezzjoni

Il-Kap tal-Partit Nazzjonalista Adrian Delia qal li fi ftit snin, il-Gvern irnexxielu jkasbar isem Malta li dejjem gawdiet reputazzjoni tajba taħt amministrazzjonijiet Nazzjonalisti. F’attività politika fil-Mosta, Dr Delia qal li…

Aktar