Nhar is-Sibt 30 ta’ Novembru 2019, l-Aġenzija Nazzjonali tal-Litteriżmu bl-għajnuna ta’ Heritage Malta organizzat festival ta’ kitba għall-Brillantini tal-Kitba fil-Mużew Marittimu, il-Birgu. F’dan il-festival ħadu sehem ħamsa u erbgħin tifel u tifla li jattendu l-iskejjel medji tal-istat u tal-Knisja minn Malta u Għawdex.
Il-Brillantini tal-Kitba hija inizjattiva maħsuba għal tfal ta’ tnax-il sena tal-iskejjel medji, li bbrillaw fl-eżamijiet tal-aħħar tas-sena tal-Malti u l-Ingliż. Dawn l-istudenti kellhom l-opportunità jieħdu sehem f’sessjonijiet ta’ kitba kreattiva ma’ awturi prominenti Maltin, ngħidu aħna, Rita Saliba, John A Bonello, Clare Azzopardi, Trevor Zahra, Ivan De Battista, Charles Casha u Carmel G Cauchi, u żewġ awturi magħrufa Ingliżi, Cat Weatherill u Ian Douglas. Kull student u studenta ngħata ċertifikat ta’ parteċipazzjoni u kotba tal-qari bil-Malti u bl-Ingliż.
Il-Brillantini tal-Kitba hija waħda mill-bosta programmi ta’ kitba għall-gost li jsiru f’postijiet differenti ta’ Malta u Għawdex mill-Aġenzija Nazzjonali tal-Litteriżmu.
Tlesta proġett ta’ restawr tal-pittura tas-saqaf fil-Kappella dedikata lill-konversjoni ta’ San Pawl fil-Wied ta’ Birkirkara. Din kienet saret mill-artist Ġużeppi Briffa waqt li r-restawr sar mill-kumpanija Atelier Del Restauro. Ir-restawr…
Dr Manfred Galdes li kien Kap Eżekuttiv tal-FIAU, qal li n-nuqqas ta’ riżorsi fit-taqsima tal-Pulizija dwar ir-reati ekonomiċi kienet qed tagħmel ix-xogħol tal-FIAU inutli. Spjega li r-rapporti li l-FIAU kienet…
Fiċ-Ċina, tliet persuni mietu u iżjed minn 200 oħra jinsabu morda, wara li ħakimhom mikrobu ġdid li qed jissejjaħ novel coronavirus. F’kummenti lil TVM, is-Supretendent tas-Saħħa Pubblika, il-Professur Charmaine Gauci,…
Raġel ta’ 22 sena weġġa’ gravi f’inċident bil-mutur fi Vjal Sir Paul Boffa, f’Raħal Ġdid għall-ħabta tas-1.30 ta’ waranofsinhar. Il-Pulizija qalet li l-ġuvni, li jgħix Ħ’Attard, kien qiegħed isuq il-mutur tat-tip…