Barranin
Fi New Zealand jitfakkru l-vittmi tal-iżbroff tal-vulkan White Island

Fi New Zealand tfakkru l-vittmi tal-iżbroff tal-vulkan White Island.

Sittax-il persuna hu kkonfermat li tilfu ħajjithom waqt li żewġ persuni għadhom ma nstabux.

Madwar 20 persuna għadhom qed jingħataw kura intensiva għall-ħruq li ġarrbu.

Il-qraba ta’ wħud mill-vittmi osservaw minuta ta’ silenzju fuq dgħajsa tal-pulizija qrib il-gżira.

Il-Prim Ministru Jacinda Ardern osservat il-minuta ta’ silenzju waqt il-laqgħa tal-kabinett. Sadanittant, il-gvern approva kważi €3 miljun biex tingħata għajnuna lin-negozji żgħar fil-belt turistika Whakatane, li tinsab qrib il-vulkan.

Hija qalet li r-regolatur fuq il-post tax-xogħol diġà fetaħ investigazzjoni dwar dan id-diżastru, u għaddejja inkjesta.

Il-Prim Ministru żiedet li l-gvern qed jistenna parir dwar jekk għandhomx isiru aktar investigazzjonijiet.