Barranin
Fi Spanja ssir l-akbar qabda ta’ droga

Il-Ministeru tal-Intern ta’ Spanja qal li saret l-akbar qabda ta’ droga kokaina fl-aħħar 18-il sena.

Ftit inqas minn 6,000 kilo kokaina nstabu moħbija f’kaxxi tal-banana f’container li kien għadu kif wasal fil-port ta’ Algeciras wara li telaq minn Medellin fil-Kolumbja.

Tliet persuni ġew arrestati fosthom Spanjol li jmexxi kumpanija tal-importazzjoni responsabbli mill-container.

Id-droga li kienet maqsuma f’blokki ta’ kilo l-waħda għandha valur fis-suq ta’ madwar €210 miljun u kienet se titqassam f’pajjiżi varji fl-Ewropa.