Reliġjon
Fi Sqallija: Kapulavur Barokk, iżuruh bosta Qriema u Rabtin Għawdxin

Tefa’ ta’ ġebla ‘l bogħod minn xtut il-gżejjer Maltin, Sqallija mogħnija b’pajsaġġ pittoresk li jsaħħar l-għajnejn u b’għadd ta’ bliet il-ġmiel tagħhom. Fosthom, il-belt ta’ Modica.

Liema żona, fost l-oħrajn, ikkaratterizzata minn għadd ta’ binjiet ta’ kull lewn u għamla, fosthom knejjes. B’mod speċjali, jispikka l-Kattidral ta’ San Ġorġ li jiġbed lejh bosta devoti Qriema u Rabtin Għawdxin.

Għadd imdaqqas mill-kattidral imsejjes fuq stil Barokk u kif tmidd riġlejk ġo fih jilqgħek ġmiel ta’ post. Fost l-oħrajn, il-kattidral mibni b’tali mod li r-raġġi tax-xemx li jagħtuh il-ħajja minn ġewwa jimmarkaw l-istaġuni u x-xhur.

F’Modica mhux dejjem kien kollox ward u żahar hekk kif il-belt sfat meqruda kważi kważi għalkollox mit-terremot tal-1693 u fl-1902 spiċċat mgħerrqa taħt ilmijiet m’għola żewġ sulari bħalma jixhdu għadd ta’ plakek fl-inħawi.