Politika
“Fid-dawl tal-qasma fl-Oppożizzjoni, il-Gvern għandu responsabbiltà ikbar li jżomm l-istabbiltà fil-pajjiż”
Il-Prim Ministru Dr Robert Abela qal li fid-dawl tal-qasma fl-Oppożizzjoni, il-Gvern għandu responsabbiltà ikbar li jżomm l-istabbilità fil-pajjiż.
F’kummenti lill-midja wara li ġiet fi tmiema konferenza tal-aħbarijiet, il-Prim Ministru qal li l-Oppożizzjoni hi nstabli u maqsum u li l-kredenzjali demokratiċi tal-Oppożizzjoni spiċċaw skartati.
Qal li l-Grupp Parlamentari  m’għandux fiduċja fit-teserati u qaleb ta’ taħt fuq id-deċiżjoni li taw it-tesserati u li fl-istess waqt il-kap tal-Oppożizzjoni ma jirrrispetax id-deċiżjoni tal-grupp parlamentari.
Żied jgħid li fejn sar ħażin huwa se jibqa’ konsistenti u mhux se jaħrab dan. Qal li bħala Prim Ministru mhuwiex sodisfat bil-konklużjonijiet tal-Awditur Ġenerali Charles Deguara fuq il-ftehim tal-VGH waqt li stqarr li kieku bħala Prim Ministru kien iffaċċjat bi proġett simili kien jimxi b’mod differenti.
Tenna li dan il-Gvern se jitgħallem mill-iżbalji u mhux se jerġa’ jirrepeti l-istess żbalji għaliex inkella ma jista ikun meqjus bħala Gvern kredibbli li se jkompli jkattar il-ġid.