Barranin
Fil-Ġappun, 26 persuna mietu wara attakk ġo studio tal-animazzjoni

Fi Kyoto fil-Ġappun mill-anqas 26 persuna tilfu ħajjithom u għexieren oħra ndarbu f’nirien li tqabbad apposta minn raġel fi studio tal-animazzjoni. Rapporti qed jgħidu li madwar 36 persuni ttieħdu lejn l-isptarijiet b’ambulanzi, b’uħud minnhom jinsabu f’kundizzjoni kritika.

Il-Pulizija qalu li r-raġel, li għandu 41 sena daħal fl-istudio filgħodu, xerred il-fuel u tah in-nar. Ir-raġel inqabad mill-Pulizija u jinsab l-isptar għall-kura minħabba l-ġrieħi li ġarrab. Il-Pulizija qalet li anke sabet xi skieken fuq il-post u kien irrapurtat li l-aggressur beda jgħajjat li kulħadd għandu jmut filwaqt li ta n-nar lill-bini. S’issa għadu mhux magħruf għala l-aggressur ried joqtol lill-kulħadd u lanqas kien stabbilit x’relazzjoni għandu mal-kumpanija. Uħud qed jgħidu li r-raġel qatt ma kien impjegat mal-kumpanija iżda kien jidher li huwa rrabbjat ħafna.

In-nirien ħakmu t-tliet sulari tal-binja bl-iskwadri ta’ salvataġġ u l-pumpiera kellhom biċċa xogħol iebsa biex jikkontrollaw in-nirien. Il-pumpiera sabu għaxar mill-vittmi fit-taraġ li jagħti għall-bejt. Qed jingħad lin-numru tal-vittmi jista’ jiżdied għax ħadd ma jaf eżattament kemm kien hemm nies fil-bini għalkemm id-diriġenti tal-kumpanija qalu li kien hemm viċin is-70 persuna.

Il-Prim Ministru Ġappuniż Shinzo Abe qal li ma għandux kliem biex jiddeskrivi kemm aggressjoni bħal din hija orribbli filwaqt li ta l-kondoljanzi tiegħu lill-familjari tal-vittmi.

Aħbarijiet Oħra
Barranin

L-awtoritajiet Amerikani u Iranjani qablu li jeħilsu priġunier kull wieħed, fi ftehim li wassal biex ir-riċerkatur Ċiniż-Amerikan Xiyue Wang, li ilu arrestat fl-Iran tliet snin, u l-espert fl-istem cells Iranjan,…

Barranin

’Il fuq minn 100 qabar fi Franza ġie vvandalizzat bi tpiġija ta’ swastika fuqu; is-simbolu tan-Nażi. L-att vandalu seħħ iktar kmieni din il-ġimgħa f’Westhoffen; villaġġ viċin Strasburgu, fl-istess jum li…

Barranin

Raġel ġie kkundannat 30 sena ħabs, wara li nstab ħati li lura fl-2002, stupra u qatel tfajla fi Franza. It-tfajla, li kellha 24 sena, kienet taħdem bħala maniġer f’bank. Hi…

Aktar