Kurżitajiet
Fil-Ġermanja: Joffru zalzett tal-majjal waqt konferenza dwar l-Iżlam

Il-Ministeru għall-Intern Ġermaniż fi stqarrija qal li jinsab iddispjaċut li ġie mqassam zalzett al-majjal waqt konferenza dwar l-Iżlam f’Berlin.

Il-Ministeru qal li l-għażla għall-ikel kienet waħda varjata biex tissodisfa lil kulħadd preżenti għall-konferenza iżda talab apoloġija jekk kien hemm min ħassu offiż.

Il-biċċa l-kbira ta’ dawk li attendew il-konferenza kienu Musulmani li, bil-liġi Iżlamika, huma pprojbiti milli jieklu l-majjal.

Il-konferenza saret f’Berlin u tmexxiet mill-Ministru għall-Intern Horst Seehofer, li f’Marzu li għadda kien qal li l-Iżlam mhux postu fil-Ġermanja.

Iz-zalzett li kien qed jitqassam fil-konferenza kien il-blutwurst dak li aħna nafuh bħala l-mazzit – magħmul minn taħlita ta’ bacon, majjal u demm tal-majjal.

Bosta staqsew jekk il-Ministru Seehofer kienx qed jipprova jwassal messaġġ b’dak li seħħ.

Aħbarijiet Oħra
Reliġjon

Il-Papa Franġisku preseda l-funzjoni tal-Adorazzjoni tas-Salib fil-Bażilika ta’ San Pietru fil-Vatikan. Il-funzjoni saret bil-Latin għalkemm l-omelija saret minn Patri Raniero Cantalamessa bit-Taljan li bbaża l-omelija tiegħu fuq it-tbatija ta’ Kristu…

Barranin

Ġurnalista li kienet qed tirrapporta dwar irvell f’Londonderry fl-Irlanda nqatlet b’tir. Il-Pulizija qed tittratta dan il-każ bħala inċident terroristiku. Intant, dissidenti Repubblikani qed jiġu akkużati bil-qtil ta’ Lyra McKee ta’ 29…

Barranin

Il-Papa Franġisku ċċelebra l-Quddiesa tal-Aħħar Ċena ta’ Ħamis ix-Xirka f’ħabs qrib Ruma. Huwa ħasel u bies saqajn tnax-il ħabsi. Din hija l-ħames darba li l-Papa mexxa s-servizz lil hinn mill-Vatikan,…

Barranin

Bradley Welsh, boxer, futboler, u attur Skoċċiż, inqatel fi sparatura f’Edinburgh. Bradley, li kellu 42 sena, kien ħalla l-isports warajh biex daħal fid-dinja taċ-ċinema. Huwa kien wieħed mill-atturi ewlenin fil-film…

Aktar