Lokali
Fil-ġimgħat li ġejjin titħabbar data minn meta l-karozzi impurtati jridu jkunu elettriċi

Il-kumitat li qed jaħdem fuq pjan biex Malta taqleb għal karozzi elettriċi qed jiffinalizza x-xogħol tiegħu u l-Prim Ministru Joseph Muscat qal li l-kabinett fi ftit ġimgħat oħra ser jiddeċiedi fuq data meta ma jkunx aktar possibbli li jiġu impurtati karozzi li ma jkunx elettriċi.

Dr Muscat qal dan meta kumpanija lokali introduċiet fis-suq vann li jaħdem bl-elettriku li fi kliem il-Prim Ministru huwa għodda oħra biex il-kumpaniji li joperaw fit-trasport ikollhom għażla oħra biex jilħqu l-miri tagħhom mil-lat ambjentali. Semma li skont il-programm elettorali, il-kunsilli lokali mmexxija mill-Partit Laburista jridu jagħżlu karozzi elettriċi meta jiġu biex jibdlu l-vetturi tagħhom u ma jarax għaliex dan ma jsirx mill-kunsilli kollha.

Il-Prim Ministru indika li fil-budget li ġej, il-Gvern ser ikompli jinċentiva x-xiri ta’ karozzi elettriċi, minħabba li dawn huma tajbin kemm għall-ambjent kif ukoll għas-saħħa tal-bniedem u jagħtu l-ispejjeż li jsiru fis-sistema tas-saħħa minħabba t-tniġġiż.

Dr Muscat qal li ċ-ċokon ta’ Malta m’għandux ikun ta’ ostaklu biex pajjiżna jagħti sehem kontra t-tibdil fil-klima, anzi qal huwa vantaġġ u tenna li Malta trid tkun mal-ewwel pajjiżi li fuq medda ta’ snin taqleb kompletament għall vetturi li jaħdmu bl-elettriku.

Huwa qal li l-inċentivi li diġà qed jingħataw qed iwasslu għal bidla fil-kultura favur mezzi aktar nodfa ta’ trasport biex jonqsu l-emissjonijiet.

Aħbarijiet Oħra
Lokali

Fil-Palazz tal-President għaddej ix-xogħol fuq l-akbar proġett li qatt kellha Heritage Malta fl-istorja tagħha. Għadd kbir ta’ ħaddiema qed jaħdmu fuq xogħliiet differenti minn bdil tas-soqfa sar-restawr tal-pitturi. Il-ħsieb huwa…

COVID-19

Grupp ta’ xufiera tal-karozzi tal-linja ilhom fuq xahrejn isuqu vetturi tal-gvern minflok xarabanks. Il-kumpanija Malta Public Transport qed tipprovdi dawn ix-xufiera li ta’ kuljum qed iwasslu għal swab test fiċ-ċentri…

Trasport

Minn għada t-Tnejn, l-ewwel ta’ Ġunju, ser jerġgħu jitħallew isiru l-eżamijiet, kemm prattiċi u tat-teorija, għal-liċenzji tas-sewqan. L-eżamijiet kienu twaqqfu lura f’Marzu minħabba l-imxija tal-COVID-19 u issa ser ikomplu b’għadd…

Lokali

Inkjesta Maġisterjali li nvestigat denunzji li tressqu mill-għaqda Repubblika b’allegazzjonijiet dwar qtil ta’ immigranti, u attentat ta’ qtil ta’ oħrajn ix-xahar li għadda, sabet li dawn ma kinux imsejsa fuq…

Aktar