Ekonomija u Finanzi
Fil-jiem li ġejjin kull familja se tirċievi ċekk ta’ €35

Kull dar f’Malta u Għawdex fejn tgħix persuna jew aktar, fil-jiem li ġejjin ser tirċievi kumpens għall-għoli tal-ħajja. Dan il-kumpens ser jikkumplimenta ż-żieda tal-għoli tal-ħajja li ngħatat lill-ħaddiema f’Jannar.

Il-Ministru tal-Finanzi, Edward Scicluna, qal li jekk persuna toqgħod waħedha ser tirċievi €15, filwaqt li jekk hemm aktar minn persuna waħda, il-kumpens ser ikun €35. Dawn qed jingħataw b’kumpens għall-għoli fil-prezzijiet ta’ diversi prodotti, fosthom il-ħalib u l-ħobż; żieda li ma kinitx inqabdet meta nħadmet il-COLA f’Settembru li ghadda.

Il-Ministru Edward Scicluna qal li l-flus ma setgħux jinbagħtu dirett fil-kontijiet bankarji minħabba li dawn qed jingħataw lil kull dar skont kemm jgħixu persuni fiha.

Il-Professur Scicluna qal li din il-miżura ser tiswa lill-pajjiż €5.3 miljun. Spjega li l-flus ser jibdew jintbagħtu fil-jiem li ġejjin, u dawk kollha li ma jirċevux il-ħlas wara s-17 tax-xahar, għandhom jaghmlu kuntatt mal-Ministeru tal-Finanzi biex jieħdu dak dovut lilhom. Il-Ministru Scicluna qal li numru ta’ miżuri fil-budget li qed jittieħdu ta’ darba biss qed jiswew lill-poplu mat-€80 miljun fis-sena.

Aħbarijiet Oħra
Politika

Il-President tar-Repubblika George Vella ħabbar li Adrian Delia għandu jibqa’ Kap tal-Oppożizzjoni ħalli dan ir-rwol ma jibqax vakanti, anki jekk tilef l-appoġġ tal-akbar grupp singlu ta’ membri parlamentari f’oppożizzjoni għall-Gvern….

Qorti

Quddiem il-Maġistrat Marseanne Farrugia llum bdiet tinstema’ l-kumpilazzjoni tax-xhieda fil-każ ta’ John Paul Woods li qed jiġi akkużat bil-qtil ta’ Charlene Farrugia u li ħeba l-katavru tagħha. Ir-raġel kien wieġeb…

Sajd

Kważi sena u nofs minn maltempata qawwija li ħalliet ħerba f’diversi nħawi tal-pajjiż, il-gvern ħabbar li qed jalloka miljun ewro għal skema ta’ kumpens finanzjarju lil sajjieda li l-bastimenti tagħhom…

Qorti

Raġel ta’ 50 sena qed ikun akkużat, fost oħrajn, li stupra lis-sieħba ripetutament u li ħa xbiehat ta’ natura sesswali tagħha bil-ħsieb li jheddidha bihom. Huwa qed jiċħad l-akkużi. Ir-raġel tressaq…

Aktar