Barranin
Fil-Messiku, in-nies jifirħu bl-aħbar ta’ El Chapo

Fil-belt ta’ Sinaloa fil-Messiku, in-nies ferħet għall-aħbar li fl-Istati Uniti, il-kap tal-ikbar ċirku ta’ traffikar ta’ droga bejn il-Messiku u l-Istati Uniti, Joaquin El Chapo Guzman, ingħata sentenza ta’ għomor il-ħabs u tletin sena oħra magħhom. Guzman ta’ 62 sena nstab ħati fuq għaxar akkużi fosthom traffikar tad-droga, u ħasil ta’ flus f’Qorti Federali fi New York fi Frar li għadda. Huwa kien ħarab minn ħabs fil-Messiku fl-2015 iżda nqabad ftit wara. Huwa ġie estradit lejn l-istati Uniti fl-2017.

Messikani li jgħixu fil-belt ta’ El Chapo, ferħu għall-aħbar fejn qalu li jinsabu kuntenti li sa fl-aħħar dan il-bniedem li tant għamel ħsara fil-komunità tagħhom ħa dak li ħaqqu. Qalu wkoll li El Chapo għamel ukoll reputazzjoni ħażina fuqhom u jħossuhom diżappuntati li kellha tkun l-Istati Uniti li tagħmel il-ġustizzja meta kellu jkun il-Messiku li jagħmel dan. F’Sinaloa, tant ferħu bl-aħbar li qed ibigħu pupazzi ta’ El Chapo biex jirredikolawh.

Aħbarijiet Oħra
Kurżitajiet

Koppja Franċiża tinsab f’baħar inkwiet wara li għamlu xi ħaġa li ħasbu ma kien fiha xejn ħażin waqt li kienu fuq btala fl-Italja. Il-koppja riedet iżżomm tifkira ta’ bajja partikolari…

Barranin

Il-Prim Ministru Taljan, Giuseppe Conte ta r-riżenja tiegħu fis-Senat wara li qal tiegħu dwar il-kriżi li jinsab fiha l-Gvern Taljan. F’diskors li dam madwar siegħa, Conte kkritika bl-aħrax lill-Ministru tal-Intern…

Barranin

Twitter u Facebook ħadu passi biex jimblokkaw dak li ddeskrivew bħala kampanja ta’ misinformazzjoni li għaddejja bl-appoġġ taċ-Ċina. Twitter qal li neħħa 936 account li qal kienu qed jintużaw biex…

Aktar