Parlament
Fil-Parlament saret manutenzjoni iżda l-binja għadha tagħmel l-ilma

Il-binja tal-Parlament baqgħet tagħmel l-ilma u dan minkejja skont l-Ispeaker Anglu Farrugia saru xogħlijiet ta’ manuntenzjoni biex tiġi indirizzata l-problema li kienet mill-bidu nett u li kkawżat problemi kemm għall-impjegati kif ukoll għall-membri parlamentari.

L-Ispeaker Anġlu Farrugia qal “għandna xi problemi li għadhom hemm u ser ikollna laqgħa bejni u bejn il-GHRC u l-Malita biex dawn jiġu indirizzati. Ix-xogħol li hemm huwa xogħol rimedjali, għandu jsiru mill-aktar fis. Saru xogħlijiet; jien għadni mhux sodisfatt bix-xogħlijiet li saru.”

Dr Farrugia spjega li l-ilma għadu qed jidħol fost oħrajn fil-kamra tad-deputati u fil-Kamra tal-Oppożizzjoni.

L-Ispeaker qal li qed jistenna jibda x-xogħol fit-tieni livell taħt l-art fejn se jkun hemm il-librerija, l-arkivju tal-Parlament u kmamar oħra.

“Li qed nistennew issa li tiġi finalizzata t-tender minn ħadha ħalli kemm jista’ jkun malajr issir struttura tal-ħadid ħalli fi żmien qasir, mhux aktar tard minn tnax-il xahar mil-lum ikollna l-minus 2 level fi stadju avvanzat.”

Dr Farrugia qal li Belt is-Sebħ ġie dentifikat bħala l-post fejn ser ikun qed jiġi offrut is-servizz ta’ childcare għal ulied id-deputati u l-ħaddiema tal-Parlament. Qal li sakemm jitlesta dal-post ser jibqa’ fis-seħħ l-arranġament temporanju fil-binja tal-parlament stess.

L-Ispeaker qal li anke fis-sajf l-ħidma tal-Parlament ma waqfitx waqt il-btajjel tas-sajd għax komplew il-laqgħat tal-kumitati Parlamentari minħabba li saru seduti speċjali.

Intant, l-Ispeaker ippreseda t-tnedija tal-pubblikazzjoni ‘Il-Governanza Demokratika fl-Era Diġitali, li fiha ġabra tal-ħidma li saret f’konferenza fil-Parlament fl-okkażjoni tal-40 Anniversarju mit-twaqqif tad-Dipartiment tal-Public Policy fl-Università ta’ Malta.

Aħbarijiet Oħra
Ambjent

Żona li fiha daqs seba’ grawnds tal-futbol, li minn wied naturali nbidlet f’miżbla, qed tingħata wiċċ ġdid biex minflok tibqa’ ġerħa fin-naħa t’isfel ta’ Malta, issir attrazzjoni. Sa wieħed u…

Kultura

Infrastructure Malta appik li tibda operazzjoni delikata, biex taqla’ sħiħ mill-blat qabar tal-perjodu Puniku-Ruman, u tpoġġih fil-ġenb ta’ triq ġdida li qed tibni f’Ħ’Attard. B’hekk din is-sejba ta’ valur arkeoloġiku,…

Immigrazzjoni

TVM jinsab infurmat li matul il-lejl li għadda, grupp ta’ madwar 90 immigrant li ġew salvati fil-Mediterran fiż-żona ta’ tiftix u salvataġġ ta’ Malta ttieħdu fuq vapur tal-Captain Morgan li…

COVID-19

Il-pandemija u r-reħi tar-restrizzjonijiet ġabu magħhom l-użu tal-maskra. Filwaqt li ħafna qed jużawha kif obbligati jagħmlu f’ħafna postijiet pubbliċi, osservajna li bosta qed jilbsu biex taparsi libsuha. Id-Direttur tad-Direttorat tal-Promozzjoni…

Aktar