Kultura
Film dwar duka minn Corsica fost 20 film miġbud f’Malta din is-sena

Il-Ministru għat-Turiżmu Konrad Mizzi qal li inċentivi ġodda li daħlu fis-seħħ din is-sena qed jattiraw aktar films lejn Malta, tant li din is-sena se jkunu nġibdu 20 film lokalment.

Il-Ministru Mizzi żar il-ġbid ta’ xeni ta’ wieħed mill-films li qed jinġibdu Malta bħalissa

Madwar 130 persuna qed jaħdmu taħt id-direzzjoni ta’ Daniel Graham fuq il-ġbid tal-film “The Obscure Life of the Grand Duke of Corsica.” Il-film qed jinġibed b’kollaborazzjoni bejn kumpanija Maltija u oħra Ingliża.

“Fuq duka li prattikament qed imut. Jiġi jgħix Malta. Iqabbad perit biex jibnilu mausoleum biex imut fih. Id-duka jilħaq imut għax ikun marid u l-perit jibqa’ Malta. Qed jaħdmu fuqu 130 extra u f’jum tajjeb għandna 75 persuna qed jaħdmu għal dawn l-aħħar 4 ġimgħa preparamenti u 4 ġimgħat filming,  jiġifieri total qisu 10 ġimgħat,” spjega Paul Parker.

Il-producers, Chris Hardman u Matt Hookings, qalu li Malta toffri diversi inċentivi. “Locations, tax incentive, and the crew just all been above standard, absolutely amazing , locations we have shot all over the island , the tax incentive is really attractive for filming, and the facilities and the crew very experienced, those three main reasons,” qal Matt Hookings.

Il-Ministru Konrad Mizzi żar il-ġbid ta’ xeni f’Villa Rosa, f’San Ġiljan. Qal li din is-sena ser ikunu inġibdu 20 film f’Malta. “Il-Malta Film Commission f’Jannar nediet strateġija ġdida tal-40% cash rebate, għax riedet tassigura li Malta tkun kompetittiva fl-industrija tal-film. F’temp ta’ ftit xhur, sa Mejju kellna tliet produzzjonijiet u tul din is-sena ser ikollna mal-20 film li nħadem f’pajjiżna.”

Il-Ministru Mizzi, flimkien mal-Kummissarju tal-Films Johann Grech, qalu li f’Malta bħalissa qed jinġibdu erba’ films f’daqqa u indikaw li s-sena d-dieħla ser jinġibdu produzzjonijiet kbar.

Aħbarijiet Oħra
COVID-19

Niżlu għal 10 il-każijiet attivi tal-COVID-19 f’Malta. Dan wara li għal darb’oħra, fl-aħħar 24 siegħa ma kien hemm ebda każ ġdid irreġistrat. Fuq nota pożittiva oħra fieqet persuna. Biex b’hekk…

Politika

Il-Prim Ministru Dr Robert Abela qal li fid-dawl tal-qasma fl-Oppożizzjoni, il-Gvern għandu responsabbiltà ikbar li jżomm l-istabbilità fil-pajjiż. F’kummenti lill-midja wara li ġiet fi tmiema konferenza tal-aħbarijiet, il-Prim Ministru qal…

Kronaka

Raġel ta’ 29 sena minn Birżebbuġa, ilbieraħ filgħaxija ġie arrestat f’ħidma oħra kontra t-traffikar tad-droga. Wara diversi jiem t’osservazzjoni, l-Iskwadra ta’ Kontra d-Droga interċettataw vettura f’Ħaż-Żabbar li kienet qiegħda tinstaq…

Lokali

Il-pjan strateġiku għall-iżvilupp u l-ippjanar (SPED) li fuqu l-bordijiet tal-ippjanar jieħdu d-deċiżjonijiet se jiġi rivedut fi proċess ta’ konsultazzjoni ta’ sitt ġimgħat li beda llum u li se jinkludi wkoll…

Aktar